جدول رمضان مع فيونكة يلا اشتركوا معايا

أحبكن في الله جميعا
أهنئكن باقتراب شهر رمضان المبارك
واذكركن ونفسي بفضل هذا الشهر



هذا الشهر المبارك هو شهر القرآن

قال تعالي:"شَهْرُ رَمَضَانَ الَّذِي أُنْزِلَ فِيهِ الْقُرْآَنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ فَمَنْ شَهِدَ مِنْكُمُ الشَّهْرَ فَلْيَصُمْهُ "


وهو شهر المغفرة

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صلى الله عليه وسلم: مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ

وعنه أيضاً أَنَّ رَسُولَ اللَّهِ صلى الله عليه وسلم قَالَ مَنْ قَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ رواه البخاري ومسلم في صحيحهما وورد في هذا الشهر الكثير،والكثير من الفضائل

هذه المقدمة البسيطة التي لو تحدثنا فيها عن رمضان لن يكفينا موضوع واحد

لذا سأطرح عليكن فكرتي،وأسأل الله أن نتنفع بها جميعا بإذن الله

موضوعي عبارة عن جدول ننظم فيه وقتنا في رمضان ونحاول نستفيد بالوقت كله إن شاء الله

فكرت من فترة أني اخطط لرمضان،وأنظم اليوم فيه،وكتبت جدول رمضان،وحبيت أفيد كل الفتوكات معايا

نبدأ"خطة رمضان"

أولا:
المحافظة علي الصلاة،وعلي النوافل (السنن الرواتب)

صلاة الفروض في أول وقتها
صلاة النوافل
وهي:

ركعتين قبل الفجر
4 ركعات قبل الظهر+ركعتين بعده
ركعتين بعد المغرب
ركعتين بعد العشاء

[size=25]ولن نفوت صلاة التروايح بإذن الله تعالي
[size=16]سواء سنصليها في البيت أو في المسجد ففضلها،وثوابها عظيم

[size=25]طيب حنعمل ايه بقي بعد كل صلاة؟!!!

أذكار بعد الصلاة
[size=16]كما هو موضح بالصورة


[/size][/size][/size][/size]حنزود كمان الصلاة علي النبي "بأي عدد"
من صلى علي صلاة واحدة صلى الله عليه عشر صلوات وحطت عنه عشر خطيئات ورفعت له عشر درجات " حديث صحيح

طيب اشمعني بقي في الوقت ده اختارته ليه؟!

عشان حنكون لسه منتهين من الصلاة ما انشغالناش بأي حاجة،وأحنا كده قاعدين علي سجادة الصلاة،وبعد ما نقول الأذكار نصلي علي النبي
اصل لو أجلنا لوقت تاني حننسي أو حنكسل،ويضيع علينا فضل الصلاة علي النبي.


ثانية:

كل يوم نقرأ جزء من كتاب الرحيق المختوم "السيرة النبوية"
واللي مش عندها الكتاب تعمل ايه؟!
سهل قوي اقرأئه من الموقع ده


في موضوع هنا ممتااااااااز عن السيرة النبوية


طيب اللي قرأت السيرة النبوية قبل كده تعمل ايه تقرأ ايه؟
حقولك تقرأي أي كتاب مفيد يكون في معلومات إسلامية مفيدة
أي كتاب موجود عندك في البيت
أو من علي النت
وعشان أسهل عليكي
ده رابط
أكبر موسوعة للكتب الإسلامية


امتي بقي حنقرأ الكتب دي سواء السيرة أو أي كتاب آخر
طبعا لازم نختار وقت يكون ثابت عشان منأجلش،ومنكسلش،ومنروحش ننتفرج علي التلفزيون

حقترح عليكن أوقات،وهي:
بعد أي صلاة من الصلوات الخمس،وبعد السنة طبعا
ممكن تبدأي تقرأي في الكتاب
واقترح عليكي بعد صلاة الظهر
الوقت ده بيكون هادئ،واليوم يعتبر لسه في أوله مش حتكوني انشغلي في أي حاجة تانية (زي المطبخ أو الأطفال)
[size=21]بس بعد المغرب،والفطار ناخد راحة استعداد للعشاء،والتروايح منشغلش نفسنا بأي حاجة

[/size]ثالثا:
ايه رأيك نحفظ أحاديث نبوية
في بعضنا بيحفظ من فترة هنا في المنتدي ودول نقولهم بارك الله فيكن،ونستمر في رمضان لا نتوقف
واللي لسه مبدأش ممكن يبدأ
نفتح قسم الحديث في المنتدي،ونشوف مجموعة حفظ،ونبدأ
وده مش ححد له وقت حيكون علي حسب نظام يومك
رابعا:
طبعا المفروض كنت اذكر الجزء ده من الأول بس هي جات كده بقي
القرآن
طبعا إحنا في شهر القرآن
يبقي لازم يكون لنا ورد يومي نقرأ فيه قرآن

بعد كل صلاة تقرأي أربع صفحات يعني بعد الفجر 4 صفحات،وبعد الظهر 4،وهكذا
اعتقد مش كتير،وبالله نستعين،وإن شاء الله همتنا في الشهر ده تكون عالية
[size=21]ومعاهم طبعا الورد اللي حتقرأيه في صلاة التروايح علي حسب إذا كنتِ حتصلي بإذن الله في المسجد يبقي علي حسب المسجد حيقرأوا كمية ايه
أما إذا كنتِ حتصلي في البيت يبقي حنقرأ جزء كامل في صلاة التروايح
[size=16]محدش يقولي كتير بلاش كسل

[/size][/size]خامسا:
الجزء بقي ده كلنا حنفرح بيه بإذن الله
ليه؟!
حنقعد ع النت
طيب حنعمل ايه؟!
أكيد لازم يكون وقت طاعة صح ولا لا؟

اقتراحاتي:
في الوقت ده ممكن نسمع أي درس من دروس الشيوخ سواء من هنا في المنتدي نفتح قسم الصوتيات أو من مواقع الشيوخ أو أي مصدر آخر

المهم ان احنا نسمع درس يكون مفيد
وفكرتي كل يوم حقترح عليكوا درس
[size=21]حكتبه في أول صفحة هنا بالرابط بتاعه سواء حيكون من المنتدي أو من موقع آخر طبعا حيكون رابط التحميل المباشر
وبعد ما نسمعه
حنيجي برده هنا في الموضوع واللي سمعت الدرس تقولنا استفادت منه ايه واللي سمعت درس تاني برده تيجي تقول لنا إن شاء الله
وكلنا نستفيد،ونشجع بعض

وطبعا ممكن،واحنا بنسمع الدرس نتجول في فتكات بس برده نركز في الدرس

[size=29]كده اليوم خلص صح؟!
[size=21]لا لسه يا قمرااااااااات
فين السحور
يلا بينا نقوم نتسحر
قال صلى الله عليه،وسلم:"[/size][/size][/size]تسحروا فإن في السحور بركة"

وتصبحوا علي خييييييييييير بإذن الله

متنسووووووووش
أذكار قبل النوم


وللمزيد وعشان مننساش أذكار المسلم طوال اليوم
حتلاقي هنا كل الأذكار
شبكة أذكار المسلم



بحمد الله انتهي الجدول المتواضع
ولأول مرة بصراحة أخطط لجدول في رمضان
الحمد لله وهذا من فضل ربي
ومن بعد الالتزام قررت اغير حياتي كلها
ولأن فتكات من أسباب التزامي بعد فضل الله
فأحببت أن تكون كل موضوعاتي تفيد كل الفتوكات
كما استفدت أنا من موضوعاتكن جميعا
حتي أصحبت بحمد لله مراقبة في هذا القسم
الذي أحبه كثيرا

شكرا يا مها

جزاكى الله خير

ودعواتى ليكى ولصاحبة الموضوع

جزاكى الله خير

مهموهه اله يسعدك في الدارين ويجزاك الفردوس الاعلى

بلاش اغرات انا مقرره ماادخل

تسلم ايدك روووووووووعة
بارك الله فيك وفيها
اللهم بلغنا رمضان

تسلم ايدك يا مها
والدال على الخير كفاعله
بس فعلا كده بتغرينا ندخل
ربنا يعمل اللى فيه خير لينا يا رب
ويبارك فى رمضان