السلام عليكم ورحمة الله وبركاته
بما ان النت ربنا هداه شويه فاستحملوني هاريكم مواضيع وصور واكلات
يلا ندخل في المفيد
وصفتنا النهاردة اسمها البانجان الملفوف
الطريقة والمقادير
باذنجان كبير (رفيع وطويييل) ما ينفعش بتاع ام يوسف ههههههههه اللي قد الاصابع
لا لازم يكون بطول الذراع ههههه
نقطع رفيع ونحطه في ماي وملح
بعد كدة انت حرة ياما تحمريه في الزيت
وفيه طرق تعلمتها من القمرات تقلل كمية الزيوت اللي يمتصها
اما نرشها بالدقيق ودي طريقة عروس ربنا يكرمها
واما نحط عليها بياض بيض ودي طريقة امة الله نانسي ربنا يجعلها دايما بخير
ونحمرها ونحطها على ورق مطبخ عشان يمتص كمية الدهون الزايدة
----------------
نجيب اللحمة الفرومة ونحط فوقها فص او فصين ثوم او ثوم بودرة حسب الرغبة ورشة كبابة صيني ودي من ميرو (ربنا يقومها بالسلامة) وملح وفلفل اسود
وكمان نضيف لها الدقيق وبقسماط وبيضة ونعجن
ونشكلها بالطول زي الكفتة
ونحمرها في الزيت ولو انت من الاوزان الثقيلة تقدري تشويها في الفرن
وبعد كدة نحط كل حبة داخل الباذنجان ونلفها ونرصها في الصينية او اللحلة
[ندعوك للتسجيل في المنتدى أو التعريف بنفسك لمعاينة هذه الصورة]ونعمل صوص ( معجون طماطم، ماية سخنة ، فلفل اسود وشوية شطة ) ويكون مش خفيف ونوزعه على الصينية ولو تحبي ترشي شوية من بقدونس ناشف على الوش
[ندعوك للتسجيل في المنتدى أو التعريف بنفسك لمعاينة هذه الصورة] وبعد كدة على نار هادية خالص لغاية ما تنشف شوية وبالف هنا وشفا
[ندعوك للتسجيل في المنتدى أو التعريف بنفسك لمعاينة هذه الصورة]ودي اقرب وتاكلوها اما مع الخبز او مع الرز الابيض
[ندعوك للتسجيل في المنتدى أو التعريف بنفسك لمعاينة هذه الصورة] --------------------
كان باقي شوية باذنجان قلت اعمل بيه مقبلات .. تحمريه في الزيت وتنشفيه وتعملي صوص (لبن زبادي +ثوم بودرة+رشة ملح+نعناع نشاف) وتحطي الصوص على كل قطعة والطعم لا يقااااااااوم
[ندعوك للتسجيل في المنتدى أو التعريف بنفسك لمعاينة هذه الصورة]