منتدى سرب الحمامات
مدونات سرب الحمامات
اهتمامات ستات البيوت
(للسيدات فقط)


منتدى سرب الحمامات

تجارب ستات البيوت الشاطرين
 
الرئيسيةسرب الحماممكتبة الصورس .و .جبحـثالمجموعاتالتسجيلدخول
بحـث
 
 

نتائج البحث
 
Rechercher بحث متقدم
Free counters!

شاطر | 
 

 استعداد العشرة الاوائل من ذى الحجه قبل العيد

اذهب الى الأسفل 
كاتب الموضوعرسالة
mado

avatar

عدد المساهمات : 2609

مُساهمةموضوع: استعداد العشرة الاوائل من ذى الحجه قبل العيد   الأحد 6 يونيو - 15:47

لايمان

كالعادة لازم يكون لينا فى المناسبات المهمه وقفة برضو مهمه

فى شهر رمضان الكريم كان لينا الحمد لله وقفة قصدى قعدة حلوة

قلت مش معقول يمر علينا الايام الفضيلة دى ومسكنش لينا فيها برضو قعدة حلوة

وبما اننا هبدأ صفحة جديدة وقعدة جديدة

لازم كمان يكون لينا صفحة جديدة من ربنا

صفحة منورة باذن الله تكون شاهد لتجمعنا

وهى فرصة لتجديد الشحن الايمانى

ذى ما هى فرصة لتجديد بيوتنا لاستقبال العيد

ذى ما هى فرصة لحياة حلوة بينا وبين ازواجنا


لازم يكون لينا ترتيبات

مش لازم يكونوا ذى اى ايام

نطلع بعدهم غير على كل المستويات

يبقى لازم يكون فية مشاريع

بكل ما تعنية كلمة مشاريع

هنكتب كل اولاوياتنا وكل المطلوب تنفيذة والاهداف والطرق والوقت

بقول نكتب

مهم اوى نكتب ماشى بس عشر دقايق فى ورقة نعلقها على الثلاجة وهتغيرنا بأذن الله

علشان نكون صح لازم نحط مشاريع دينية فى البداية


طبعا كلنا عارفين فضل الايام دى

ومعتقدتش ابدا ان فية واحدة فى صحبتنا الجميلة دى ممكن لاى سبب تضبع ثوابهم ولافضلهم

ماشاء الله الكل فية خير كثير

يسم الله ماشاء الله

صحبة والله ولا فى الدنيا ذيها ربنا يديم الود يااااااااااااااااااااااااارب

علشان النظام

نبدأ بمشروع ختم القرآن فى العشر أيام

لازم لازم ختمة فى العشر ايام ... بأى شكل بقى نتصرف

هنبدأ كل يوم ب 3 اجزاء خلال العشر ايام نبقى ختمنا بأذن الله

طيب والله عندها البريود من الموبايل من الكمبيوتر المهم لازم لازم 3 اجزاء بأذن الله

نحسبها علشان اللى مش فاضيين

الجزء فى نفسف ساعه يعنى ساعه ونصف بس 10 ايام

صعبة !!!!

طيب نحسبها صح

ثلاث اجزاء على حساب ان الحسنة ب10 حسنات يبقى تقريبا نصف مليون حسنة

ودى ايام مباركة يعنى الحسنات مضاعفة

ربنا يعننا

والله الواحد مكسوف من نفسة دا لو حد قالى اقراى وهأعطيكى بس 10 جنية للجزء هأختم فى يوم علشان اخد 300 جنية هيطيروا فى الهوا

وربنا بيقولنا نصف مليون حسنة

الله المستعان


الصـــــــــــــــــــــــــــ ــــلاة

تريز شديد بقى كل الصلوات بأذن الله فى ميعادها
الآذان يأذن اردد معاه

وادعى بين الاذان والاقامة دعوة لا ترد

نتوضى ونصلى مهما كان الامر

الاكل هيحرق نطفى علية

والولاد عايزين يناموا

يا قبل يا بعد الصلاة المهم الصلاة فى وقتها

وختم الصلاة على الاقل الايام دى ربنا يقدرنا يارب


الذكـــــــــــــــــــــر

بقى مش محتاج توصية


اسهل عبادة فى الدنيا

أجرها كبير اوى اوى


ربنا يرزقنا يارب


فى كل لحظة بقى واحنا فى السرير قبل النوم وفى ا لمطبخ و احنا عند التلفزيون بس ميكنش فيلم يعنى هههههههههههههههه
فى العربية فى الطريق وانتى بتنظفى البيت كل وقت

قال رسو الله صلى الله علية وسلم : " ما من ايام أعظم عند الله ولا احب الى الله العمل فيهن من ايام العشر فأكثروا فيهمن من التسبيح و التحميد والتهليل والتكبير"


عايزين بقى نزرع نخل كثير ونقول سبحان الله و بحمدة

وعايزين 100 حسنة ونمسح بقى 100 سيئة(ياريتهم يتمسحوا كلهم اصل كثير اوىىىىىىىىىىى) فعلى طول سبحان الله كل شوية


ولا حول ولا قوة الا بالله كنز من كنوز الجنة


اذكار الصباح والمساء بقى دى اساسى

وملكوش حجة ادى

حصن المسلم

ان شاء تكتبى فى ورقة وتقرى منها

الجنة غالية

صلة رحــــــــــــــــــــم

دى بقى سهله اوى اوى

هاتى ورقة وقلم اكتبى خلاتك وعماتك واولادهم وكل رحمك


وامسكى التليفون وكل يوم فى العشرة كلمى واحد ولا اتنين المهم يخلصوا مع نهاية العشرة

وتبقى خدتى الثواب

بر الولدين بقى مش هنتوصى اى حاجة تفرحيهم بيها مهما كانت بسيطة


أخر حاجة بالنقظة دى


طبعا لكنا متفقين ضمنا على الصيام علشان كدا ما اتكلمتش علية

ولو نفسك كسلت فكريها بان يوم صيام ببعد عن النار ب 70 الف سنة


ولازم لازم بقى بما اننا ناويين كدا على طريق الجنة

نبنى شوية بيوت فى الجنة

12 ركعة سنة كل يوم بيبيت فى الجنة

والمفاجاة السهلة جدااا


قرآة سورة الاخلاص 10 مرات بيبيت فى الجنة


يالا كداااااا خلصنا الجانب الدينى


نجى بقى لنفسنا


داخلين على عيد

وقلنا لاعيد السنة دى مش اى عيد


الكل القعدة دى لازم تبقى عرايس عرايس بمعنى الكلمة

على العيد بقى

العشر ايام دول كورس تجميل مكثف من اول شعر رأسك لحد ظوافر لرجليكى



طيب نجى للشعر

مطلوب منك بقى تغيرى فى شكل شعرك قصة جديدة
ميش تغييرى اللون المهم نيو لوك حاجة كدا وهم

كفاية اللى بيشفوه فى الشوارع


هههههههههههههههه

وعروس بقى تعلمنا كام قصة على السريع


وشك بقى

هأقولكم كام ماسك كدا والبقاى بقى عليكم

وانتوا ولا ما قصرتم هههههههههههههههههههههههههههههه ههه قلبنا خليجى


قناع الزبادى والخيار لتبيض الوجه
ملعقتين كبيرتين من الزبادىبادى +ثمرة خيار متو سطة الحجم
يقشر الخيار ويهرس ويخلط مع الزبادى يدهن الوجه ثم يشطف بعد (20)دقيقة بالماء الدافئ ثم البارد


قناع النشا لعلاج المسام الواسعه :
يستخدم النشا لعلاج حبوب الوجه والمسام الواسعه وحروق الشمس بالاصافه لكونه منضفا جيدا للبشره
المكونات : ملعقه كبيره نشا + قليل من الماء الدافئ + قليل من زيت الزيتون
الاستعمال : تدهن البشره اولا بزيت الزيتون ثم يخلط النشا بالماء ثم يوضع على البشره لمده 20دقيقه ثم يشطف بالماء الدفئ



هذه الوصفة يا سلام عليها جربوها بس وشوفوا
من الدقيق الابيض 4 ملاعق كبيرة+ من العسل الابيض 2 ملعقة كبيرة+ من الحليب 2 - 3 ملاعق كبيرة +يضاف للعسل والدقيق كمية مناسبة من الحليب لصنع عجينة
ثم توضع العجينة على البشرة لمدة 30 دقيقة ثم يشطف الوجه بالماء الفاتر
هـذا القناع يعد من الوصفات القديمة جدا للعناية بالبشرة والتي اشتهر باستعمالها الاميرات والجميلات في الماضي

خدتوا بالكم الاميرات ها يالا ادعولى

ايديكى مهم اوى اوى ده

وضع قليل من الليمون في باطن يدك ثم ضعي عليه قليل من السكر ثم قومي فورا بدعكها في يديك دعكا جيدا...... بعدها قومي بغسلها بالماء..


طيب باقى جسمك

عايزين بقى كل يوم حمام مكثف

مهم اوى اوى اوى ازالة كل شعرة فى الجسم مش قلنا عرايس

وبضمير

نجى بقى اللتقشير

اسهل طريقة

ليفة مغربى وتدهنى جسمك كلة بخلطة سكر وزيت

والحمام يبقى دافى وكل جسمك دعك بقى

ها دا اهم من تنظيف البيت خدوا بالكم



والظوافر بقى حمامات زيوت والذى منه


اه واهم حاجة فىا لشتا ندهن الكعوب بكريم جلسوليد كل يوم قبل النوم بيخليها حرير


نجى بقى للمهم

العريس

كمية حنية وحبة دلع ورومانسية رهيبة

وتخدية بالراحة

وتعملى كل نصايح ماما زوزو


والاهم بقى ليلة العيد لو ينفع تجيبى بيجامة جديدة لية وقميص شيك اوى كدا ليكى
ولو مينفعش خليها القميص ليكى وخلاص هيحس ان الهدية وصلت
سورى بجد

المهم تجيبله احلى هدي ولو بسيطة المهم يحس انك فكراه

كمان بقى من غير ميعاد كدا رسالة على الموبايل تحسسة انك وحشتية

هتتكسفى خليكى بعيد انتى مش معانا

مش هيحس بتهيقلك دا تقل والله



وعلى قبل العيد بيومين تعملى بيتفور بسيط

هأقولك طريقة جربتها من يومين وطلعت سهله وخدت ساعه ونصف من الالف للياء


2 كوب دقيق+ 1 ك زبدة+ 1/2كوب سكر بودرة+ 2 بيضة + فانليا + م ك بيبكنج بودر

تخلطى الزبدة بالسكر كويس بايديكى كويس اوى وبعدين تضيفى البيض بيضة بيضة وبرضو باييديكى
وبعدين تضيفى الفاليا وبعدين الدجقيق المنخول والبيبنج بودر

وتعجنى كويس اوى وتسبيها تتاح فىا لتلاجة ربع ساعه

تكونى مسحنة الفرن متوسط 180
تشكلى العجينة بالماكينة صوابع وتدخليها الفرن لمده 10 دقايق

تخرج تسنى تبرد تلزقى كل اتني مع بعض بمربى
وتحطيها فى الشيكولاتة النوتيلا او شيكولاتة عادى المهم تحطيها فى مكسرات مفرومة او جوز هند ناعم

وبس كدا احلى من الجاهز
وتخبية والصبح يكون فطار العيد من اييدى بس فى طقم الصينى الشيك

اه صحيح طبعا السرير لازم يعيد مفرش شيك

خلطة عطر حلوة

واسها حاجة اى زيت عطرى على شوية مية وفى بخاخ وبخى المخدات كويس والملاية والبطانية

بس لازم جوزك يكون بيحب الريحة
الرجوع الى أعلى الصفحة اذهب الى الأسفل
mado

avatar

عدد المساهمات : 2609

مُساهمةموضوع: رد: استعداد العشرة الاوائل من ذى الحجه قبل العيد   الجمعة 28 أكتوبر - 23:58

uppppppp

_________________
اللهم اهدِنا فيمَن هديت .. وعافنا فيمن عافيت .. وتولنا فيمن توليت .. وبارك لنا فيما أعطيت
وقِنا شر ما قضيت تباركت ربنا وتعاليت لك الشكر على ما أعطيت نستغفرك اللهم من جميع الذنوب والخطايا ونتوب اٍليك
الرجوع الى أعلى الصفحة اذهب الى الأسفل
um susu
ملاك السرب


عدد المساهمات : 351

مُساهمةموضوع: رد: استعداد العشرة الاوائل من ذى الحجه قبل العيد   السبت 29 أكتوبر - 8:54

برنامج حلو فعلا ربنا يجعله في ميزان حسنات ايمان يارب

وربنا يجزيك كل الخير يا مادو على النقل والتذكير

ربنا يسعد قلبك دنيا وآخرة
الرجوع الى أعلى الصفحة اذهب الى الأسفل
 
استعداد العشرة الاوائل من ذى الحجه قبل العيد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى سرب الحمامات :: خبرات وتجارب السرب-
انتقل الى: