منتدى سرب الحمامات
مدونات سرب الحمامات
اهتمامات ستات البيوت
(للسيدات فقط)


منتدى سرب الحمامات

تجارب ستات البيوت الشاطرين
 
الرئيسيةسرب الحماممكتبة الصورس .و .جبحـثالمجموعاتالتسجيلدخول
بحـث
 
 

نتائج البحث
 
Rechercher بحث متقدم
Free counters!

شاطر | 
 

 المسجد الاقصى

اذهب الى الأسفل 
كاتب الموضوعرسالة
mado

avatar

عدد المساهمات : 2612

مُساهمةموضوع: المسجد الاقصى   الجمعة 15 ديسمبر - 22:32

« المسجد الأقصى » .. مين اللي بناه و إيه أهميته بالنسبة لنا ؟ .. و ليه اسمه كدا و ليه اليهود مسيطرين عليه ؟ .. إيه الحكاية و إيه التاريخ ؟ .. الپوست دا مهم و لازم نفهم القضية صح .. Share و احكي لأصحابك و أهلك و ولادك .. Like عشان يتشاف أسرع .. اجتهدت في البحث و المراجعة عشان الدقة ..
واحد واقف بيصلي إمام بِـ 124 ألف شخص .. مشهد مهيب .. الواحد دا يبقا نبينا محمد .. سيد ولد آدم .. و إمام البشرية .. بيصلي بالأنبياء كلهم اللي هما أئمة البشر .. في المسجد الأقصى .. و بعدها هيطلع منه للسماء للقاء رب العالمين .. تخيل مكان زي دا يبقا عظيم قد إيه .. تخيل المشهد تاني و تالت .. هنتكلم عن المسجد و عن التاريخ نفسه و أسباب الصراع و أصل القضية .. و هتلاقي صور أنت محتاج تشوفها .. فا يلا بينا ..
المسجد الأقصى تاني مسجد في الأرض .. اتبنى بعد المسجد الحرام بِـ 40 سنة ( في البخاري و مسلم ) .. اللي بناه سيدنا آدم .. و في قول أن سيدنا إبراهيم هو اللي بناه لكن الأرجح أنه آدم .. عمّره سيدنا إبراهيم ثم إسحاق و يعقوب من بعده .. ثم سليمان نبي الله جدده بعدها بسنين طويلة .. اسمه الأقصى عشان بعيد عن المسجد الحرام .. و اسمه بيت المقدس .. يعني البيت المنزَّه و المطهّر .. و الأرض المباركة لأن ربنا قال : " إلى الأرض التي باركنا فيها " .. عاش فيه أنبياء كتير زي خليل الرحمن إبراهيم و إسحاق و يعقوب و زكريا و يحيى و عيسى و داوود و سليمان و كتير من أنبياء بني إسرائيل و عاشت فيه السيدة مريم طبعا .. و دخله يوشع بن نون نبي الله من بعد موسى فاتحا بعد زمن التيه .. و هبط فيه الوحي كتير و كان قِبلة لأنبياء كتير قبلنا .. و كان قبلة لينا بعد الهجرة بِـ 16 - 17 شهر تقريبا .. ثم تم تحويل القبلة للمسجد الحرام ..
المسجد الأقصى هو كل ما دار حوله السور .. موجود في أقصى الزاوية الجنوبية الشرقية من بلدة القدس القديمة اللي كان حواليها سور .. بص ع الصور كدا .. المسجد اللي له قبة ذهبية مش الأقصى .. دا جزء منه و اسمه مسجد قبة الصخرة .. و المسجد اللي له قبة رصاصي أو برونزي .. مش الأقصى برضه و اسمه المسجد القِبْلي و موجود في الجنوب باتجاه القبلة .. بس حديثا بيتقال عليه الأقصى كدا .. لكن الأقصى الصح زي ما قولنا .. سور كبير و جواه مآذن و محاريب و قباب و أبواب و أسبلة مياه و منابر و أشجار و مباني و أروقة و مكتبات و مدارس و ساحات طبعا .. يعني أغلبه مفتوح و مالوش سقف ..
طَب إيه حكاية قبة الصخرة بقا ؟ .. سيبنا من القبة و خلينا في الصخرة نفسها .. الصخرة كانت قِبلة لليهود بعد موسى و كان دا عن تشاور منهم مش بأمر إلهي .. و كانت قبلة لبعض النصارى بعدهم .. قيل أنها الصخرة اللي طلع منها النبي للسماء في حادثة المعراج .. و ورد في صحيح ابن حبان أن جبريل خرق الصخرة بإصبعه و شد فيها البراق .. و لما عمر بن الخطاب فتح بيت المقدس سنة 15 هـ .. لقى ع الصخرة قاذورات .. فا أمر بتنضيفها و استشار كعب الأحبار عن مكان يبني فيه مصلى فا كعب كان عالم يهودي تقيل و أسلم .. فا قال له يبنيه خلف الصخرة .. بحيث اللي يصلي وراها يبقا متجه للقبلة و للصخرة في نفس الوقت .. فا عمر اتضايق .. لأنه حس أن دا تعظيم من كعب للصخرة اللي هي قِبلة لليهود مش لينا .. فا رفض .. و بنى للمسلمين مُصلى ( اللي هو المسجد القِبْلي دلوقتي .. و قدام الصخرة مش وراها فا بيتجه للكعبة من غير ما يتجه للصخرة .. شايف العزة ؟ ) .. الصخرة فضلت مكشوفة لفترة مِ الزمن و الصحابة و التابعين ما كانوش بيعظموها لأنها قبلة منسوخة و بيعظمها اليهود و بعض النصارى .. في كهف تحت الصخرة كدا معمول فيه مُصلى برضه و لما تدخله بتحس كأن الصخرة متعلقة في السما .. هتلاقوا صور روعة للصخرة و الكهف من داخل المسجد نفسه معانا هنا .. اتفرجوا .. و لسة هتكلم عن التاريخ بتاعهم بس أنا بعرفك المسجد الأقصى الأول ..
و بعد فترة .. قرر الخليفة الأموي عبد الملك بن مروان أنه يبني قبة على الصخرة دي .. فا تم بناء مسجد قبة الصخرة 65 - 72 هـ .. قيل أنها تُعَد أقدم أثر إسلامي معماري باقٍ .. و توالت السنين و كان بيحصل زلازل أو حاجات كدا فا كان بيتم معالجتها و ترميمها لحد الاحتلال الصليبي سنة 493 هـ .. انتهكوا قدسيتها و حولوها لكنيسة « هيكل السيد العظيم » و بنوا فوقها مذبح و حطوا فيها صور و تماثيل .. و لما صلاح الدين فتحها سنة 583 هـ ( شايف فرق الزمن ؟ .. عشان تفهم أن التغيير ممكن ياخد وقت طويل شوية بس هو في عمر الزمن قصير ) طهرها مِ اللي عملوه و شال المذبح و البلاط الرخامي اللي كان مغطيها و جدد التذهيب بتاعها فا هتلاقي مكتوب جواها لحد النهاردة : « بسم الله الرحمن الرحيم ، أمر بتجديد تذهيب هذه القبة الشريفة : مولانا السلطان الملك الناصر العالم العادل العامل صلاح الدين يوسف بن أيوب ، تغمده الله برحمته ، و ذلك في شهور سنة ست و ثمانين و خمسمائة ( 586 ) » .. الأيوبيين اهتموا بيها و كانوا بيغسلوها و يعطروها و عملوا حواليها حاجز خشبي يحميها بدل الحديدي اللي بناه الصليبيون و استمرت العناية بالقبة و الزخرفة و التطوير و الترميمات على مدار السنين و فيها تفاصيل أكتر فا اللي مهتم يبحث أكتر ..
طَب ليه اليهود مسيطرين عليه ؟ .. اليهود بيزعموا أن نبي الله سليمان بنى هيكل فوق جبل موريا اللي فوقه المسجد الأقصى ( هيكل بالعبرية يعني بيت الإله ) .. و كانوا شايفين أن المكان دا بتاعهم قبل ما يهاجروا لفلسطين و كانوا عايزين يبنوا عليه دولتهم تاني و يرجعوا الهيكل .. هو اليهود كان ليهم دولة هنا قبل كدا ؟ .. آه .. و عشان نفهم الحتة دي لازم نرجع بالزمن لورا .. flashback سريع .. بس ما تخافش .. احنا أحق بِـ بيت المقدس منهم لأن العبرة مش بالأقدمية أصلا .. مع العلم أن الأرض دي سكنها الكنعانيون قبل بني إسرائيل أساسا .. هنفهم الفكرة أهو [size=0]

_________________
اللهم اهدِنا فيمَن هديت .. وعافنا فيمن عافيت .. وتولنا فيمن توليت .. وبارك لنا فيما أعطيت
وقِنا شر ما قضيت تباركت ربنا وتعاليت لك الشكر على ما أعطيت نستغفرك اللهم من جميع الذنوب والخطايا ونتوب اٍليك
الرجوع الى أعلى الصفحة اذهب الى الأسفل
 
المسجد الاقصى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى سرب الحمامات :: نصائح السرب الدينيه-
انتقل الى: