مدرستنا من kg2

فيوتشر تجريبى لغات مميز



بيبقى مصاريفى اعلى شوية من تجريبى لغات عادى بتبقى فى حدود الف ونص طبعا ده لا يقارن بالخاص لغات



واسمع ان مستواها كويس جدا وعليها اقبل فرع مدينة نصر ممتاز بس انا مجربتش

طب انا مش عارفة لو طلعت تجريبى عادى تنفع لان الفيوتشر فى مدينة نصر انا كان نفسى ادخلهالها بس تعتبر محافظة تانية وبرده سمعت فيه فيوتشر فى الشروق بردة محافظة تانية لانهم معتبرين مدينة العبور تبع محافظة القليوبية وده مضايقنى جداً وفى نفس الوقت بقول يارب يطلع خبر ان تفتح مدرسة فيوتشر فى العبور صحيح

طب انا مش عارفة لو طلعت تجريبى عادى تنفع لان الفيوتشر فى مدينة نصر انا كان نفسى ادخلهالها بس تعتبر محافظة تانية وبرده سمعت فيه فيوتشر فى الشروق بردة محافظة تانية لانهم معتبرين مدينة العبور تبع محافظة القليوبية وده مضايقنى جداً وفى نفس الوقت بقول يارب يطلع خبر ان تفتح مدرسة فيوتشر فى العبور صحيح

فيوتشر مدينة نصر من كتر الاقبال عليها فى واحد اعرفه دخل ابنه فيها 6 سنين وطبعا ده اوفر اوى



لو عايزة تقارنى بقى تجريبى عادى بلغات لازم الاول تكونى واخدة قرار انتى عايزة بنتك تكمل عربى ولا لغات



لان مينفعش تبدأ تجريبى عربى وبعدين تحول لغات لكن العكس ممكن بس قبل 6 ابتدائى

رشا
ماشاء الله سلمى شهاده صحيح ...عقبال ما نبارك بقى وشربات وحاجات كدا هههههههههه
ربنا ينجحها يارب وبتفوق يارب
انا باحفظ بودى برضو كلمات الوحدات والجمل بس بتتنسى فمش بضغط اوى المهم اللغه يكتسبها
وان كنت فعلا مليت من المنهج ده هههههههههههههههههههههه
وامبارح طبعت lets go1
انا لما باجى اشتغل منهج باطبع الكتاب الوان واطبع الورك بووك والحصه نفسها بنسمعها من الاوديو بتاع الكتاب على الكمبيوتر وبعدين نلعب
دا الكتاب
http://www.mediafire.com/?q2b3wzzd1fgbqns
المنهج الجديد دا أقوى كتأسيس فى لغه خصوصا انه كان واخد البيجنر بتاعه
الميزة فيه ان ليه سى دى بيتدبر فيه على المنهج ودا مهم اوى لان بودى متعود على التعليم باللعب
بس النهاردة برضو كانن تعبان ومرحش لعبنا بالليل لما فاق شويه
لعبه on,under,in,......
المفروض بقول الجمله بالانجليزى وهو ينفذها فبافضل اغير المكان فى كل البيت المكتب التربيزة والكنبة التليفون كدا وسرع هو بيحبها واهو بنثبت المعلومه
دى لسه واخدنها فى المدرسة امبارح الميس قالت لى


هو يا ولاد ولادكم بيجوا يحكولكم اخدوا ايه؟
اصل بودى استحاله ومش عارفه اعوده على كدا خالص


عبير
بصى يا بيرو اقولك على تجربتى فى المدارس دى
ابنى فى لغات اللى هى الفيوتشر ب1400 فى السنه مفيش فيها اى مميزات اللهم الا العدد قليل فعلا فى الفصل من 20-25 ودا طبعا افضل من اللغات الخاص
نجى بقى للمنهج لاء بندرس نفس منهج التجريبى اللغات بالضبط مفيش فرق
يعنى مفيش ساسينس من اولى
واللغه التانية من اولى اعدادى اللى هى فرنساوى
التجريبى اللغات بقى فى حدود من 300-500 حسب المدرسة
وهو نفسه ذى عندنا بس فرق العدد لكن الاهتمام سىء فى الاتنين واللغه تعبانه
انا رأى ان التعليم فى الوقت الحالى من البيت او الدروس وبس
انتى كدا ادامك كل الحلول فكرى على اساسها وربنا يعمل الخير ..واحنا معاكى طبعا


طيب انتى بداتى ايه مع ر وان
يعنى بتعرف تعد؟الالوان؟الاشكال؟الحروف ؟
وقليى انتى واقفه معاها بين ونبتدى بأذن الله
اصلى رجعت اعيد تااااااااااانى مع ساندى بنت اخويا بس هى سنتين فعملالها ترتيب كدا اتعلمنا الالوان عربى انجليزى
وبعدين بنعد لحد خمسه وتعرف تطلع 5 مكعبات مثلا
اخر حاجه لسه هابدأ معاها الاشكال وبرضو هانقولها عربى وانجليزى مره واحده
انا ببدأ معاها بس لما بسشوفها علشان باشوفها يوم فى الاسبوع وماماتها تكمل
يلا قوليلى ونبدأ بأذن الله

عبير
والله من اللى شفته التجريبى المميز منظر بس يعنى ملاعب ومساحات لكن التععليم هو هو
ولو ان كل مدرسه وليها ظروفها احسن حاجه تستشيرى حد من اللى جربوا المدرسه نفسها

وشوفى الروابط دى لروان انا كنت عملاهم لابنى زمان نفذتهم بجد

http://www.lakii.com/vb/showthread.php?t=381953


الثاني


http://www.lakii.com/vb/showthread.php?t=493152

الرابطين دووول تحفه تحفه بجد تعمليلو حضانه على اعلى مستوى
http://www.lakii.com/vb/showthread.php?t=661344

ايمان
الرابط مش شغال
وابنى لا مش بيحكى ممكن بعد اسبوع كده لحظه سرحان يفتكر ان خد حاجه بالصدفه ههههههه
بس انا قلت للمس الله يكرمها بقت بتكتبلى
خدو معالم سياحيه عالميه صور
والتمرين ان يقص المعالم المصريه بس ويحطها تحت العلم
خدو حرف الدال وكلممه واحده عليها
دب
الاشكال خدو
rectangle كتابه
والعد لحد 50 وبس خلاص
يا ريتو كان دخل من اول السنه فيها بس هو متقبلش من الاول قدر الله وما شاء فعل
بحاول الحق شويه اللى متاخر ولو انه كتيير
هو مستوعب اللى بيخده المشكله فى القديم وقلت للمس قالتلى عنوان مدرسه بس مش بتروح البيت وصعب اوى اودى واجيب
يالله خير ان شاء الله

لايمان

ماددو



انتى اخيرا دخلتيه كى جى 2 ؟؟؟

فى اى مدرسة

بس عامة متقلقيش لسه قدامك وقت تراجعى اللى فات والاجازة بطولها المدرسين بيفضوا وممكن تلاقى حد يجى يراجعله





كمان فى مدارس زى عندنا فى الصيف بيعملوا كورس مكثف مراجعة للاطفال ضمن سمر سكول لو حاجة زى كده عندك تبقى ظريفة يروح المدرسة يلعب شوية ويدرس ويروح

روشانا
انا شفت المدرسة وانا معدية مكتوب عليها تجريبى لغات
وطبعاً انا نفسى تكمل لغات وانا عارفة ان الارادة مهمة وخصوصاً انى بحب اللغة بس انا سمعت كتير ان فيه ناس عند توقيت معين ومش بيقدروا يتابعوا مع اولادهم وسعات بيحولولهم لمدارس عربى

ايمان
انا بصراحة حاسة انى اخطات واتاخرت عليها كتير بس ده ممكن لان كلامها فيه حروف ل ر مثلا لسه مش واضحين وانا لما دخلتها الحضانة كان همى انها تلاقى اطفال تلعب معاهم ولما اخدت كتب تلوين تعليمية فى التوقيت ده كنت سمعت انه غلط انها تطغط فى الكتابه علشان اعصاب الايدين فممكن تلون فقط و كان سنها سنتين ونصف
وممكن علشان حاجة جديدة عليا انا كنت باقول تعرف العربى الاول وبعدين اعرفها اللغة
هى اللى حافظاة من 1 الى عشرة - أ الى خ - 1 :10 - A to G
وانا ابتديت احفظها كلمات انجليزى حافظة حوالى 15كلمة متنوعة بين الالوان والحيوانات والفاكة والاشياء
وهى طبعا حافظة الالوان كلها بالعربى وكمان العد و الارقام والاشكال والتلوين كل ده على الكمبيوتر هى والحمد لله بتعرف تستعمله والمشكلة انها علشان اخدت على التلوين يعنى شخبطة مش بتكتب غير 1 وعلشان تكتب 2 وأ ب ت ث بصعوبة جدا وبمسك اديها

مادو
فعلا يا مادو افكار تجنن وتشجع على المذاكرة وان شاء الله هتنفذ منها لروان
وتسلم ايدك على اللينكات لروان وانا ان شاء الله هشوفهم بتمعن واعمل بيهم مع انى دوست جواهم على لينك مش شغال بس ممكن لانهم من فترة طويلة ولكن انا هحاول افكرلها فى التطبيق

رشا
اه يا رشا دخلته kg2

ولسه بفكر
ومحتارة انبارح كنت مقتنعه مثلا لانه مستوعب اللى اخده
بس انهارده لقيت عندى كتب عقدتنى لكاجى تو
كتاب سينتتفك
واخدين تصنيف الحيوانت
والكرة الارضيه
ووووو هو بجد ده منهج كاجى؟؟؟؟؟؟؟؟؟؟؟؟؟؟؟؟

يا مادو اركزى بقى وسيبى الواد يركز



الحاجات اللى بتقولى عليها دى مش ل كى جى ولو بياخدوها بتبقى معلومات عامة واخرها امتحان اورال لا تقلقى

يا هلا هارد بسرعه علشان عندى برد وهلكانه


ايه مادو دا ؟
دا مجرد معلومات عامه طبعا مش انتوا فى تجريبى برضو
احنا تجريبى مميز ونفس الكلام كلام كدا بيقولولهم فى الفصل كمعلومات عامه حتى عندنا بيدهولهم بالعربى هههههههههههههههههههه لغات بقى
يعنى انى ممكن تقوليله وهاعلق دماغه بأذن الله
متقلقيش بجد يا بنتى سبيه منهج كى جى مش مستاهل اصلا وفى اولى ربنا ييسر
انا هاقوم انام وبكرة نكمل علشان مش شايفه من البرد

نفسى والله يا رشا ارسى كده ومحسش بالتردد انا فظييعه فى الموضوع ده
ربنا يستر على عيالى وميتعدوش

ايمان
ما ده تبع منهج

First_Friends_2
فى كتب تعقد ما ده بتاع بنت صاحبتى اللى كنت بقول عليه ومعلمين على الصفحات يعنى واخدينه

بس ربنا يطمنكو والله يا رب تكون معلومات عامه فعلا

ماهو المنهج فيه كدا يا مادو
حتى منهج الهاى ليفل بتاع الوزاره عندنا
النهاردة كلمت ميس الانجليش من زمان مكلمتهاش
لقيتها بتقولى
الساينس
اخدنا الحشرات وتصنيف الطيور
والنهاردة خدوا حديقها لحيوانات وقسمت الحيوانات لمفترسه واليفه
والمفاجأه بقى انه مش اورال لا رتين
هههههههههههههه
بس فى الماث كل الاشكال
ففى التيرم اللى فات كانت قالت لى انها اورال النهاردة اكدت لاء 12 شكل كتااااااااااااابه
والالوان
وايام الاسبوع
والطقس
وحالات الانسان سعيد وحزين بيبكى
اااااااااااااااااااااااااااااااااااااااااااااااااااه


بس كدا دى كانت يومياتى لانى مازلت تعبانه وبودى فعلا جننى النهاردة وكان يوم سىء معملناش حاجه مفيدة واتجننت وضربته وفضل يقولى عايز اموتت تتتتتتتتتتتتتتتتتتتتتتتتتتتتتتتت
بس كدا فاقفله خالص معايا

ايمان
هو اكيد بيكرر الكلمه منك مش جايبها من عنده
ربنا يخليهولك والله لو ده المنهج الله يكون فى عونهم
مش قلتلكو
هو انت مش معاكى كتاب بالحاجات دى
ده الكتب شكلها جميل بس فين الوقت لكده انبارح كان عندنا ضيوف ومعملناش حاجه برده
اصورلك الكتاب ورقه كل يوم ؟؟ ونتابع مع بعض
زى انجى ما كانت بتعمل معايا بس هى اخرها اسبوعين وطفشت ههههههههه صح يا انجى هههه ؟؟؟
شايفه يا رشا المنهج تقيل والله
اللى مخلينى متردده انه فى كاجى ون بحس انه بيفهم علطول بالمستريح كده لكن فى تو بيتزهق طبعاا
وعنده تشتت غير عادى انا شفتله فيديو فى الكلاس يا ربى على الحركه والزهق من القعده
ربنا يهديهم يا رب

مادو
هو مش بكرر كلامى هو فى الغالب فى المدرسة الجميلة كلمهم عن يوم القيامه والموت والنار وحاجات كدا
المهم بودى بقى دماغه بقت شغاله طيب ماهو علشان يحصل يوم القيامة ويبقى لازم نموت
يلا بقى نموت وبعدين لو انتى يا ماما متى وسبتنى مين هيعيش معايا يبقى انا اموت الاول
وانا عايز اموت علشان اشوف ربنا
وكلام بقى من اللى قلبك يحبه
ربنا يهديه وبجد نفسيتى تعابنه خالص بسببه


المهم حدوته الكتاب دى انا موافقه عليها جداا
انا كنت رفعت الهاى ليفل على الكمبيوتر حضرتك ليله كامله شغاله على الاسكانر وجوزى تفضل مشكورا انه عمل ويندوز جديد (ملحوظة:الجمله دى تحديدا ممكن تسعيها ف البيت كل يومين على اقصى تعبير)مدمن وندوز هههههههههههههه
بس فهارفعه تانى واحطه كله بأذن الله
وابدأى ارفعى اللى عندك ورشا كمان بحيث يبقى نخلى الولاد ستواهم كويس مع بعض ويرتاحوا فى اولى بأذن الله


انا بدأت فعلا بتصوير كتاب تعليم القراءة علشان كنت هافتحه مووضع ذى ما قلت لك ونسيت احطه بكرة افتحه علشان على الكاميرا وانا مش فى البيت
بصى طبيعى ان فى تو يزهق كم المعلومات وفيه تعليم ون دا كأنهم بيلعبوا فمش مرهق باى شكل
بس انا بجد حاسه ان حرام يستنىا لموضوع مش مساهل اصلا وهيتعود مع الوقت
استخيرى ربنا ويسبيه يكمل وربنا ييسر
وانا ضد جدا مدرسة وتجى تعلمه بأذن الله تقدرى تديلة على اللى فاته وهيبقى احسن مليون مره من المدرسة
انا بدى مش بيروح انتى عارفه والميسات بيكلمونى يسالونى نشرح دى اذى لما يلاقوه عارفها بطريقه اسهل
بس سبحان الله مفيش حاجه بالساهل ربنا يهديه يارب
بجد انا النهاردة تحت مليون صفر بسبب تصرفاته
واتضرب برضو للااااااااااااااسف وبابا وماما مش طيقنى علشان ضربته وانا بمقتش عارفه اتصرف
تفتكروا هيفضل كدا؟ هو ادام الناس الغرب مفيش فى ادبه لكن فى البيت وعند ماما شقاوة فوق التصور والله
الله المستعان


رغىىىىىىىىىىىىىىىىىىىىىىىىىىىىىى رغيت كتير


سلام

ايمان
الف سلامة عليكى وعلى بودى وعليكى باليمون والبرتقال مهمين جداً
ولما تشدى حيلك ياريت تطمنينى وتقوليلى روان فى سنها ده 3سنوات و3شهور انا قولتلك هى عارفة ايه قوليلى المفروض اكون واصلة معاها لغاية فين التجريبى لغات جنبى بياخد من خمس سنين فمتهيألى لسه فيه وقت ولا ايه
انا بفكر اجيبلها كتب كى جى ون واديلها اللى فيه دلوقتى

عبير فى اى مكتبة هتلاقى مجلات اطفال قبل المدرسة حروف وارقام عربى وانجليزى هاتى 4 مجلات وخلصيهم معاها كل اسبوع حرف ورقم

عربى وانجليزى



ب 2ونص وفى اغلى بس والله اللى ب 2ونص جميل وطباعة نضيفة وبالالوان



وكل صفحة فيها حرف او رقم وعليه صور ومكان منقط تعمل تراس ومكان فاضى تكتب



مش عارفة اشرح انتى روحى اى مكتبة او حتى عند بائع الجرائد والمجلات

صباح الخير يا روشانا
على فكرة هى فعلا اشترتلها من الحضانة ثلاث كتب بالصور عربى وانجليزى بس مفيهاش نقط والميس بتاعتها كل اللى بتعملة تخليها تلون الصور وفى الهوم ورك ترسملها الحرف او الرقم علشان تلونه انا دلوقتى رايحة جاية بحفظها كلمات انجليزى واللى مخوفنى الكتابة ومش عارفة هى كدة اتاخرت فى موضوع الكتابة ولا لأ

ايمان



منهج كى جى 2 عندكو اوفر بصراحة كل ده بيعرفوه معلومات عامة لكن مش كتابة فى كى جى 2 يا دوب بيتعلموا يكتبوا ويحفظوا كلمات بسيطة

على الحروف العربى والانجليزى والارقام

عند يمنى بياخدوا الارقام كتابة انجليش بس

لكن انا بدات معاها فى البيت نكتب واحد اثنين ثلاثة كده منها تدريب على النطق العربى وكتابة كلمات عربى ومنها نحفظ الارقام بالعربى



سلمى اخدت الارقام عربى وانجليش فى كى جى 2 بس لان بعد كده بيكملوا ماث انجليش بس تصوروا لو فى رقم مكتوي بالعربى ارقام مبتعرفش تقراه صح



بالنسبة للانجليش اخدوا درس جديد وكلمات عليه حفظ

park,slide,swing,see saw

مادو زى ما قلتوا كده لو قعد 10 سنين فى كى جى اكيد هيبقى مستوعب وسعيد وارول ما يطلع سنة زيادة يبدأ الزهق والملل والضغط منك فى المذاكرة ده طبيعى جدا تعالى شوفى سلمى ربنا يهديهم جميعا

وبعدين جابوا منين 12 شكل

square

triangle

rectangle

oval

heart



ولا كمان بيدوهم سوليد ؟؟؟؟ دول يبقوا بيستعبطوا