منتدى سرب الحمامات
مدونات سرب الحمامات
اهتمامات ستات البيوت
(للسيدات فقط)


منتدى سرب الحمامات

تجارب ستات البيوت الشاطرين
 
الرئيسيةسرب الحماممكتبة الصورس .و .جبحـثالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» ماكينة فرد العجين من تايجر باك
الأربعاء 19 فبراير - 14:43 من طرف تايجر باك

» موسوعه لاطفال الروضه والابتدائى
السبت 2 نوفمبر - 22:43 من طرف جاكلين

» المكنسة اللاسلكية
الجمعة 1 نوفمبر - 9:26 من طرف mervat

» سينابون سرب الحمامات
الجمعة 20 سبتمبر - 20:07 من طرف asmaabhr

» عايزين نبقى انثى بجد
الإثنين 16 سبتمبر - 10:12 من طرف أم عبده

» لسة ما جربتيش كيكة السفن لام حازم ...طب بتستنيه ايــــــــــــــــــــه
الأربعاء 11 سبتمبر - 17:01 من طرف asmaabhr

» وردة البريوش وممكن تعملي بنفس الطريقه كرواسون ولاااااااااا احلي ولا اسهل من كده
الأربعاء 11 سبتمبر - 16:57 من طرف asmaabhr

» خلية النحل بطعم غيررررررررررررر
الأربعاء 11 سبتمبر - 16:55 من طرف asmaabhr

» اسرار و فنون التعامل مع الشرقي
الأربعاء 4 سبتمبر - 21:03 من طرف yanboa alzman

» جدول تنظيف البيت
الثلاثاء 18 يونيو - 14:06 من طرف ام البنات المصريه

»  أفلا شققتَ عن قلبِه ؟
الخميس 30 مايو - 2:12 من طرف mado

» اصناف مختارة لتادو
الأحد 12 مايو - 11:01 من طرف ام الابطال

» كيكات للشاى والقهوة
الجمعة 10 مايو - 15:25 من طرف ام الابطال

» تركيبة تنضيف قماش الانتيريهات والسجاد
الجمعة 10 مايو - 13:30 من طرف ام الابطال

» استخدامات جديده للقصدير
الخميس 9 مايو - 22:32 من طرف ام الابطال

» فكرة سهله وعملية للمطبخ
الخميس 9 مايو - 22:07 من طرف ام الابطال

» تجارب لشراء الاكل البيتى
الخميس 9 مايو - 22:04 من طرف ام الابطال

» فوائد بيكربونات الصوديوم
الخميس 9 مايو - 12:11 من طرف ام الابطال

» استخدام اله فرد العجين
الخميس 9 مايو - 12:01 من طرف ام الابطال

» استخدامات اله التوستر
الخميس 9 مايو - 11:54 من طرف ام الابطال

Free counters!
شاطر | 
 

 اظرف طريقة لتعليم الاطفال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mado



عدد المساهمات: 2738

مُساهمةموضوع: اظرف طريقة لتعليم الاطفال   السبت 18 فبراير - 12:50

[center]للي عندها
مشكلة في
التعليم لاطفالها في مرحلة الحضانة او المرحلة الابتدائية
بفضل الله ممكن حلها في الحساب اوالعربي او حفظ كلمات الانجليزي

مثلا
في العربي طريقة تعليم اللام
الشمسية واللام القمرية اولا

عرفي ابنك ان الحروف الابجدية كلها 28 حرف منهم 14 حرف بيحبوا الشمس
و14 حرف بيحبوا القمر وخليه يحفظ اللي بيحبوا الشمس

وهم
<ت ث د ذ ر ز س ش ص ض ط ظ ل ن >
وبعد كدة قوليله
ان الحروف دي لما تجي بعد الالف واللام بيكون اللام دي شمسية والباقي
بتكون قمريه

وان اللام الشمسية بتكون
الشمس شديدة عليها علشان كدة اللام بتستخبي ومابتتنطقش
يعني اللام الشمسية تكتب ولا تنطق بينما اللام
القمرية القمر بيشع بنوره
عليها ودايما منوره
وظاهرة يعني بتكتب وتنطق وكمان الحرف اللي بيجي بعد
اللام
الشمسية دائما من شدة الشمس عليه بيكون عليه شدة بينما اللام القمرية
اللام نفسها بيكون عليها سكون
والسكون شبه القمر يعني القمر بيشع بنوره علي اللام القمرية ويحط
عليها الدايرة الصغيرة اللي هي السكون

















اما
بالنسبة للحساب






مثلا
الاحاد والعشرات والمئات
عرفي ابنك ان الخانة الاولي اللي هي الاحاد هي خانة البيبي الصغير
والبيبي ده
دايما معاه فلوس قليلة من جنيه الي تسعة فقط
وممكن يكون مفلس وممعاهوش فلوس يعني خانتة فيهاصفر
وخانة العشرات هي خانة الام دايما بتحط في جيبها العشرات يعني من
عشرة جنيه لغاية تسعين جنيه

وان خانةالمئات هي خانة الجدة ومابتشلش لو معاها فلوس اقل من مائة
جنيه الي تسعمائة جنيه

وان الخانة الرابعة نعمل لها الف حساب وهي خانة الالاف وهي خانة الجد
وبعد كده نقرا بقي العدد لو
العدد مكون من رقمين البيبي وامه الاحاد والعشرات
الام دايما
بتفضل ابنها عنها وبتحب تخليه في المقدمة يعني نقرا الاحاد ثم
العشرات
ولو العدد مكون
من ثلاث ارقام
تاتي الجدة اللي هي المئات
واحتراما لها نبدا بيها يعني ننطق الجدة ثم البيبي ثم الام
ولو العدد مكون من اربعة ارقام يعني الجد حضر طبعا الرجال قوامون عن
النساء واحتراما له

نبدا به يعني الجد ثم الجدة ثم البيبي ثم الام يعني الالاف ثم المئات
ثم الاحاد ثم العشرات اللي هي الام كعادتها هي دائما الضحية






نأتي
بقي للانجليزي

اي كلمة تحاولي تحفظيها لابنك
حاولي انك تحكي عنها قصة يعني مثلا
كلمة father ,mother
يعني ام و اب
ناتي لكلمة father اللي هي كلمة اب
تتكلمي عن حرف حرف وتعتبريهم افراد القصة يعني مثلا الحرف الاول حرف
ال
f
هو بابا ماسك في ايده شنطة اللي هي الa
وواقف جنبه اخواتي الصغيرين اللي هم ال
t,h,e,r
بعد كده اساليه عن افراد القصة هتلاقيه بفضل الله قالهم بسرعة
نجي بقي عند كلمة mother الام
نقول من تاني ان ماما اللي هي الm
كانت لابسه العقد اللي هو o
وكان واقف جنبها اخواتي اللي
هم ال

t,h,e,r وبعدين تخلي ابنك يقول حكاية الاب والام
هتلاقيه ماشاء الله يعني الخلاصه
انه يجب ان
نتحلي بالصبر في تعليم الصغار واجمل وسيلة هي الخيال لان الطفل
في هذه المرحلة بيعشق الخيال يعني دي احسن وسيلة
وجربتها طوال 22سنه اللي
فبفضل الله كبرت اولادي
الخمسة اللي اكبرهم في نهائي الطب والتانية مهندسة
والثالث في
اعدادي هندسة والرابع في اولي اعدادي والخامسة في رابعة ابتدائي
والفضل يرجع لله سبحانه وتعالي والاهم انك دائما
تكوني مع الله في كل
شيءوتستعيني به في كل شيء
وتحاولي انك تساعدي وتخدمي الانسان فانا والحمد
لله اقوم
بالتبرع لامحوا امية اهل الحي الذي اسكن فيه في المدرسه اللي
اولادي بيدرسوا فيها بعد ان تركت التدريس وتفرغت
تماما للاولاد

معلش طولت عليكم بس هدفي تقديم اي خدمة لاخواتي في الاسلام وانا تحت
امركم في اي مشكلة علمية تواجه اولادكم شكرا لكم المتابعة
[/center]



_________________
اللهم اهدِنا فيمَن هديت .. وعافنا فيمن عافيت .. وتولنا فيمن توليت .. وبارك لنا فيما أعطيت
وقِنا شر ما قضيت تباركت ربنا وتعاليت لك الشكر على ما أعطيت نستغفرك اللهم من جميع الذنوب والخطايا ونتوب اٍليك
الرجوع الى أعلى الصفحة اذهب الى الأسفل
mado



عدد المساهمات: 2738

مُساهمةموضوع: رد: اظرف طريقة لتعليم الاطفال   الأحد 19 فبراير - 2:40



شوفي يا بنتي ده موقع اسطوانات الماس للمرحلة الابتدائية اولي وتانية وثالثة ترم تاني
ان شاء الله يفيدك
http://davidtallat2.7olm.org/t52-topic

_________________
اللهم اهدِنا فيمَن هديت .. وعافنا فيمن عافيت .. وتولنا فيمن توليت .. وبارك لنا فيما أعطيت
وقِنا شر ما قضيت تباركت ربنا وتعاليت لك الشكر على ما أعطيت نستغفرك اللهم من جميع الذنوب والخطايا ونتوب اٍليك
الرجوع الى أعلى الصفحة اذهب الى الأسفل
mado



عدد المساهمات: 2738

مُساهمةموضوع: رد: اظرف طريقة لتعليم الاطفال   الأحد 19 فبراير - 2:50

تحفيظ القران

انا عن نفسي جيبه لاولادي منذ الصغرشيخ علشان يكونوا اكثلر التزاما وبدأ معاهم من سن 5 سنوات برضه
وكانوا بيأخذوا الحصة سماعا مع النظر
في الجزء يعني البنت كانت تتابع بعنيها الكلام وفي نفس الوقت تسمع الشيخ
علشان تتعود علي شكل الكلمة ومع التكرار مرات عديدة مع الشيخ

وعند الحصة التالية يراجع علي الايات
السابقة وهكذا والتسجيل بصوتهم لكل ايه من الايات عن طريق تسجيل صغير بحيث
ان لا يزيد في كل حصة عن 4 او 5 ايات وطبعا من (جزء عم) في الايام اللي
مافيش فيها حصة قرآن اخليهم يضعوا الهدفون (ويستمعوا لصوتهم هم ) ويعيدو ا
السمع كذا مرة يوميا ده طبعا كان بالنسبة لهم شيء ممتع جدااا والحمد لله
اللي كانوا صغار من 18 سنة اتخرجوا وخلصوا حفظ القران ومازالت الحصة حتي
الان يوم الخميس من كل اسبوع للمراجعة علشان انتي طبعا عارفة ان القرآن
عاوز المواظبة حتي لا يتفلت منهم والحمد لله رب العالمين علي هذه النعمة دي
تجربتي يا بنتي وان شاء الله تنفع معاكي


بالنسبة يا موجة لتعليم ابنك التمييز بين الحركات الثلاثة الفتحة والكسرة والضمة
ده هايبدأ مع اولي حضانة بالترتيب وده
بنسميه تجريد الحروف واحدة واحدة يعني المعلمة هاتكتب له في المدرسة او
انتي في البيت ابدئي معاه علشان لو المدرسة ما بدأتش هاتكتبي له حرف الالف
في اول الكراسة 3 مرات مرة عليها فاتحة ومرة عليها كسرة ومرة عليها ضمة وهو
ينزل بيهم علي السطور اسفل يعني تحتهم وانتي متابعة معاه بالنطق وصوتك
يكون واضح وكرري كذا مرة وهو يكرر وراكي

واعملي له اختبار بعد كده انه يكتب الحرف بالحركته
وزي ما انا هنا شرحت لاخت من الاخوات
انها تستخدم الصلصال كعملية تعليمية لها اثلر جميل ومفيد للطفل لان الطفل
في هذا السن محتاج لللعب واحنا بقي هانخليه يحب المذاكرة عن طريق اللعب
يعني اعملي من الصلصال الحرف وحطي عليه الحركة اللي هي الفتحة واعمليها من
الصلصال والكسرة والضمة وخليه يوصل بين عمودين واحد من جهة اليمين وواحد من
جهة اليسار كل ده برضة من الصلصال وهو واحده يوصل بين الحرف والحركة
بتاعتة من الناحيتين

اما بالنيبة لحروف المد اللي هي مد
بالالف ومد بالواو ومد بالياء هايبدأ يأخدها في اولي ابتدائي يعني
ماتستعجليش الامور شكلك كده يا موجة عاوزاه ياخد الثانوية العامة بالمرة
هههههههههه

اصبري يا بنتي كل مرحلة سنية ولها
استيعابها يا بنتي وحده واحده علي الولد لان انواع المد لها وقتها الاول
لما تتاكدي انه خلص كل الحروف بحركاتها تمام واختبرتيه فيها جدااا ابدئي
معاه انك توضحي له مثلا( با_بي_بو)

(تا_تي_تو_)
(ثا_ثي_ثو)
وهكذا وانتي بتنطقي حروف المد لازم
تكوني انتي عارفة تنطقيهم بدقة بحيث انك في حالة المد( با_ بي_ بو) بنزود
في نطق الحرف عن نطقة في حالة الحركة يعني في فرق لما اقول( بَ_بِ_بُ)

يعني تزودي في نطقك لحروف المد عن نطقك في الحركات الثلاث

_________________
اللهم اهدِنا فيمَن هديت .. وعافنا فيمن عافيت .. وتولنا فيمن توليت .. وبارك لنا فيما أعطيت
وقِنا شر ما قضيت تباركت ربنا وتعاليت لك الشكر على ما أعطيت نستغفرك اللهم من جميع الذنوب والخطايا ونتوب اٍليك
الرجوع الى أعلى الصفحة اذهب الى الأسفل
mado



عدد المساهمات: 2738

مُساهمةموضوع: رد: اظرف طريقة لتعليم الاطفال   الأحد 19 فبراير - 3:11


[size=25]القسمة المطولة
[b][i] المسألة الاولي هانعمل علي الجانب زي ما انتي شايفةحقل التجارب احنا بنسميه كده يعني زي الهامش اللي بنجرب فيه
وطالما المقسوم عليه 3 ارقام يبقي اخد من المقسوم 3 ارقام برضه

يعني هاخد 896 علي 518
طبعا ينفع علشان اكبر من المقسوم عليه
واجي علي الهامش اضرب اول حاجة الواحد
لو لقيت انه لسه ماوصلتش للرقم المقسوم اجرب اضرب في 2
هنا هلاقي ان الضرب في الاتنين كبير قوي يبقي ارجع بسرعة واخد الواحد واحطة فوق طبعا في الناتج
وبعد كده اكمل اطرح ناتج ضرب الواحد في 518 اداني 518
واطرحها زي الشكل امامك هايديني الرقم ده 378
طبعا
اشوف ينفع اني اقسمهم علي 518 طبعا لا هنا بقي انزل الواحد من فوق يبقي
الرقم عندي 3781 واكمل في الهامش الضرب في 3 و4 و5 و6 و7 هلاقي اني وصلت
لرقم اقرب للي انا عاوزاه بصي عندك في المسألة هاتلاقي ان 7 هي اللي تنفع
تخدها واحطها الناتج فوق

وبعدين وانزل حاصل ضرب ال7 هتلاقيه 3626 اطرحة من السابق له واصبح عندي الناتج 155
طبها ماينفعش اقسم 155 علي 518
يبقي انزل فوق ال4 اللي باقية
هايبقي الرقم عندي 1554 لو بصيتي في الهامش هتلاقي اني جربتها لما ضربت ال518 في 3
وبكدة
اصبح ناتج الطرح اصفار واصبحت القسمة منتهية يعني اهم حاجة واسهل طريقة يا
سيدرة وجربتها السنة دي مع ضحي بنتي اللي في رابعة ابتدائي وهي بقت استاذة
في القسمة المطولة ودربي ابنك عليها يعني اديلة المسائل يحلها كذا مرة
لغاية لما تثبت في مخه

اهم
حاجة انك نعملي الهامش ودربي الولد علي انه يضرب المقسوم عليه اولا في
الواحد ثم 2 وهكذا دي اسهل طريقة وبتجيب نتيجة فوريةمع ملاحظة انه عينه
تبقي علي الناتج من الضرب في الهامش وعينه علي اللي هو عاوز يقسمة وربنا
يوفقك يا حبيبتي
[/size]
[/i][/b]

_________________
اللهم اهدِنا فيمَن هديت .. وعافنا فيمن عافيت .. وتولنا فيمن توليت .. وبارك لنا فيما أعطيت
وقِنا شر ما قضيت تباركت ربنا وتعاليت لك الشكر على ما أعطيت نستغفرك اللهم من جميع الذنوب والخطايا ونتوب اٍليك
الرجوع الى أعلى الصفحة اذهب الى الأسفل
mado



عدد المساهمات: 2738

مُساهمةموضوع: رد: اظرف طريقة لتعليم الاطفال   الأحد 19 فبراير - 3:27

[size=25]اسهل طريقة لحفظ جدول الضرب
شوفي يا حبايبي بخصوص جدول الضرب اللي محير الامهات
اللي اولادهم في تانية وثالثة ابتدائي
انا هاقولكم علي الطريقة اللي حفظت بيها ضحي بنتي اللي هي اخر العنقود
هي دلوقتي رابعة ابتدائي والوسيلة دي ريحتني جداااااا
وعملتها في اجازة نصف العام وخلصنا الاجازة والبنت كانت حافظة الجدول كله من 2 الي 9
شوفوا يا امهات
هاتي (الموبايل )بتاعك او(كاست صغير )
وسجلي بصوتك الجداول كلها بطريقة ظريفة
وحطي السماعات للبنت وخليها رايحة جاية تسمعه
وتقول وراه
هتلاقيها ان شاء الله حفظته بسرعة وهاتشوفي بنفسك
كل جدول مش هاياخد منك اكتر من ساعة بالكتير وتكون بنتك حفظته
وهاتدعيلي كمان جربوا الطريقة دي
وبعد كده خلي اولاكم يكتبوه في كراسة للمراجعة واستمروا كل يوم في المراجعة وانا بقول لازم المراجعة يوميا علشان مايتنسيش
كل يوم مراجعة من جدول 2 الي جدول 9
بنفس الطريقة والكتابة كمان مهمة
وبعدين اعملوا لهم اختبار بالشكل ده
مثلا
3×؟=12
4×؟=36
2×؟=16
؟×9=18
؟×10=20
؟×7=28
وهكذا هايبقوا ان شاء الله ممتازين في جدول الضرب
[/size]

_________________
اللهم اهدِنا فيمَن هديت .. وعافنا فيمن عافيت .. وتولنا فيمن توليت .. وبارك لنا فيما أعطيت
وقِنا شر ما قضيت تباركت ربنا وتعاليت لك الشكر على ما أعطيت نستغفرك اللهم من جميع الذنوب والخطايا ونتوب اٍليك
الرجوع الى أعلى الصفحة اذهب الى الأسفل
mado



عدد المساهمات: 2738

مُساهمةموضوع: رد: اظرف طريقة لتعليم الاطفال   الأحد 19 فبراير - 21:17

الحروف اللي بتحب القمر في جملة " أبغ حجك وخف عقيمة "

_________________
اللهم اهدِنا فيمَن هديت .. وعافنا فيمن عافيت .. وتولنا فيمن توليت .. وبارك لنا فيما أعطيت
وقِنا شر ما قضيت تباركت ربنا وتعاليت لك الشكر على ما أعطيت نستغفرك اللهم من جميع الذنوب والخطايا ونتوب اٍليك
الرجوع الى أعلى الصفحة اذهب الى الأسفل
mado



عدد المساهمات: 2738

مُساهمةموضوع: رد: اظرف طريقة لتعليم الاطفال   الأحد 19 فبراير - 21:38


اولا بالنسبة للطرح لسن خمس سنوات ابدئي مع المدرسة خطوة خطوة ماتسابقيش الاحداث السن ده يعني تانية حضانة
بتاخد الطرح والجمع عن طريق الاشياء الحسية يعني هاتي مجموعة اشياء للعد مكعبات او اقلام
وصلصال دربي البنت العبي معاها
بالمكعبات وعرفيها لو معاكي مثلا 3 مكعبات واخدنا منهم واحد ينبقي كام مكعب
وهكذا ودربيها بعد كده انها تستخدم ايديها واصابعها ونحط عليها دائما
الرقم الكبير ونشيل منه الرقم الاصغر مع التدريب بعد كده بالصلصال اكتبي
لها بالصلصال الرقم الكبير ونقصي منه رقم صغير وخليها هي تكتب بالصلصال
الحل يعني حببيها في طريقة المذاكرة

وبعد كده وضبي لها كراسة تكون لواجباتك
انتي في البيت وتبدأ تحل بالقلم في الكراسة والموضوع سهل خالص بعد كده
هاتستخدم يديها في كل مرة وبع كدع ممكن تديها مكونات الاعداد ودي طريقة
بتعملها معظم المدارس علشان سرعة الاداء بالنسبة للطفل انه بسرعة يحل يعني
مثلا مكونات العدد 6 يساوي

1+5=6
2+4=6
3+3=6
4+2=6
5+1=6
6+0=6
وهكذا بالنسبة لكل الاعداد لغاية الرقم 10
خلي بالك هنا هاتدربي بنتك علي الحفظ
الجيد بس الاسهل من كده يا شعاع الشمس انك لو لاحظتي ان في مكونات العدد 6
الجانب الايمن اللي قبل علامة الزائد بيزيد والجانب علي شمال الزائد بيقل
ودي طريقة اسهل بحيث ان الطفل يستخدم عقلة اكثر بدل ما يحفظ وخلاص انا كنت
بتبع الطريقة دي لاولادي وبسرعة يجيبوا مكونات اي رقم بسهولة



بالنسبة لاسهل طريقة لتعليم الطفل القراءة والكتابة
واضح انك استاذة طالما ذكرتي الطريقة الجزئية والطريقة الكلية يعني بتتكلمي عن فهم ودراسة
شوفي يا بنتي الطريقة الكلية بتتبع في
بعد الاساليب التعليمية يعني المعلم يعطي الكلمة كاملة بدون تجريد للحروف
ودي بتستخدمها المدرس الحكومية بداية من الصف الاول الابتدائي لان ماعندهمش
وقت طبعا انهم يبدئوا بالحروف مجردة اللي هي الحروف الهجائية كلها

لكن الطريقة دي بتجعل المتعلم مايعرفش
غير الكلمات اللي بيدرسها ولو اعطيتي له اي كلمة غير كدة مايعرفش يقرأها
لانه لايدرك اصوات الحروف كلها هو بيقرأ الكلمات اللي اخدها فقط

وطبعا الطريقة الهدف منها السرعة في
النطق ولكن غير عملية بالنسبة للنطق الشامل لاي كلمة يتعرض لها وعلشان كده
الطريقة الجزئية هي الافضل للمهتمين بالاصول هي بتاخد وقتها لانها اطول لكن
في النهاية الدارس يستطيع قراءة اي كلمة تقابله وطبعا الطريقة الجزئية
بياخد الطفل كل حرف بحركاته الثلاثة اللي هي الفاتحة والكسرة والضمة وانواع
المد الثلاثة اللي هم

مد بالالف مثلا (با)
مد بالواومثلا( بو)
مد بالياءمثلا( بي)
وعرفي بنتك وانطقي معاها ان النطق في حالة الحركات الثلاث اقل صوتا عن النطق في حالة اانواع المد الثلاث
هم دول يا بنتي مفتاح النطق الحركات
الثلاث والمد الثلاث لكل حرف من الحروف الهيجائية وممكن تجيبي كتاب تعليم
القراءة والكتابة ده هايساعدك كتيييييييييييييير وكل يوم دربي بنتك علي
الحركات والمد واديها كلمات جديدة وتيقني جيدااا ان البنت اول ما هاتعرف
تنطق اي حرف بالحركة بتاعته واي حرف بالمد بتاعه كده هاتبقي رائعة والنتيجة
هاتكون رائعة ان شاء الله وانا تحت امرك في اي استفسار يا اجمل شعاع للشمس
الدافئة




_________________
اللهم اهدِنا فيمَن هديت .. وعافنا فيمن عافيت .. وتولنا فيمن توليت .. وبارك لنا فيما أعطيت
وقِنا شر ما قضيت تباركت ربنا وتعاليت لك الشكر على ما أعطيت نستغفرك اللهم من جميع الذنوب والخطايا ونتوب اٍليك
الرجوع الى أعلى الصفحة اذهب الى الأسفل
 

اظرف طريقة لتعليم الاطفال

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى سرب الحمامات :: مدونات تربويه :: انشطه مدرسيه والعاب منزليه-