منتدى سرب الحمامات
مدونات سرب الحمامات
اهتمامات ستات البيوت
(للسيدات فقط)

منتدى سرب الحمامات
مدونات سرب الحمامات
اهتمامات ستات البيوت
(للسيدات فقط)

منتدى سرب الحمامات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى سرب الحمامات

تجارب ستات البيوت الشاطرين
 
الرئيسيةسرب الحمامأحدث الصورالتسجيلدخول
بحـث
 
 

نتائج البحث
 
Rechercher بحث متقدم
Free counters!

 

 طريقه تنظيم اليوم لايمان

اذهب الى الأسفل 
4 مشترك
كاتب الموضوعرسالة
mado

mado


عدد المساهمات : 2612

طريقه تنظيم اليوم لايمان Empty
مُساهمةموضوع: طريقه تنظيم اليوم لايمان   طريقه تنظيم اليوم لايمان Icon_minitimeالأحد 6 يونيو - 16:10

مهم جداااااااااااااا
من اول السنة الجديدة اللى هتبدأ بعد ايام خلاص بأذن الله ..
نجيب أجندة مؤرخة وقلم ونبدأ نكتب كل يوم بالليل قبل ما ننام نكتب بكرة هنعمل اية وتقوليش هافتك والله هتفتكرى النص بس .. مش ساعات تقولى اخر اليوم ياه نسيت والله اعمل كذا لو الوقة قدامك هتفتكرى بأذن الله
هى بع ساعة كل يوم ترتب فيها جدول يومك

هأقولكم الجدول اللى بافكر اعمله ونشاور كلنا ونوصل لانسب الحلول ممكن اكون ناسية حاجة ونفكر بعض ...واكيد كل واحدة فينا اقدر انها تنظم وقتها وهدفها

اولا اول صفحة فى الاجندة هنكتب فيها الهدف الكبير اللى فى حياتنا ولازم يكتب علشان عقلك يصدق انك بتتكلمى جد وفعلا ينفذ

الاول عملت تقسيم ثابت لليوم
- نبدأ بصلاة الفجر الساعه 5 اصلى واقول اذكار الصباح
- انام واصحى 11 (مبعرفش اصحى بدرى)
- الفطارل عبد الرحمن من 11 الى 12
-12:1 تليفون لماما وترتيب البيت على السريع
- المطبخ من 1 : 3
- وهكذا لحد النوم بالليل

فى الصفحة اللى بعدها
التزامات اساسية :
- دينية - مسؤليات البيت –الاهتمام بنفسى
- النت – القراءة – التليفون – صلة الرحم

الالتزاما ت الدينية الاساسية :
صلاة الفجر +اذكار الصباح
سماع الصفحة لحفظ اثناء الطبخ
قبل المغرب اذكار المساء
بالليل ود القرآن جزء فى1/2 ساعه وحفظ 1/2 ساعه
استغفار يومى وتسبيح وذكر
فى حدود ساعه ونصف كله
خلال الشهر مراجعة الاذكار من حصن المسلم

مسؤليات البيت:
مبدئيا لازم بقى توفير الوقت
كشف طلبات البيت مرة واحدة فى الشهر كل حاجة هحتاجها
اكتب الاول جدول افتراضى قابل للتعديل للاكل وبالتالى هاعرف محتاجه اد اية مثلا فراخ واد اية لحمة واجيب اللى هاحتاجة مره واحدة
تانى حاجة ودى بصراحة عملاها من سنتين وحلوة جداا
عامله نوته لمصروف البيت وحطيت لية مبلغ معين وكل حاجة باجيبها باكتبها وباحسبها وبكدا باعرف انا فين ورايحة على فين
ولما باجيب الحاجة اجهز الكفتة والعصاج وتتبيل البانية والتسبيكة والصلصة وكلة بحيث يبقى الطبخ سهل الصبح
التنظيف:
نخلية يوم الأحد والاربعاء
نبدأ من 1بالليل لحد 2ونصف
الأحد:
أجهز حاجة التنظيف وادور على البيت كلة المع الموبليا والزجاج والابواب والكنب والترتيب(1/2 ساعه)
يكون البيت مكنوس بالمكنسة بالنهار فى فترة الصبح امسح البيت (1/2ساعه)
بعدين غسيل الحمام (1/2ساعه)
الاربعاء:
المطبخ:غسيل البوتجاز والشفاط والاجهزة واشيك على الثلاجة
تغيير ملايات السراير والفوط
يبقى الغسيل غالبا يوم ويوم والنشر بيكون فى 1/2 ساعه العصر
المكوى مرة كل اسبوعين او 3 مره واحدة فى ساعه
جدول العناية الشخصية
بعد البريود.. شور كامل (ازالة شعر +اسكريب+حمام كريم لشعرى )
ماسك كل اسبوع +كوافيرة

النت بقى:
يوم الاحد من الساعه 1:2بالليل
وكل يوم 10دقايق
والخميس ممكن ساعتين تلاتة الجدول بيبقى مكسور الخميس ببقى عند ماما
القراءة: من 2 : 3 بالليل
كتااب السنوات الثلاث الاولى من عمر الطفل (يخلص خلال الشهر)
كتاب (أصول الوصول الى الله) (خلال الشهر)

ووقت خاص لجوزى ساعتين بعد نوم ابنى كل يوم
والنوم 6 ساعات مش قليل والله

علشان بقى اعرف اطبق جدولى بنجاح لازم يكون كل حاجة من حواليا مرتبة جدااا لية؟؟
لان نصف الوقت بيضيع وانا بادور على الحاجات

فمش هاستعجل وبأذن الله نبدأ كلنا من هنا لحد اول السنة معدش فاضل كثير نرتب البيت كامل وننظم حياتنا
الدواليب المطبخ الثلاجة الغسيل
ونتكلم المرة الجاية عن الترتيب بالتفصيل

يارب يكون كلامى واقعى ويارب يارب قبل اول السنة تكون كل واحدة فينا حطت ايدها بجد على هدفها الكبير بدون تشتييت بين هنا وهنا

لان لا هنطول ده ولا ده

لازم هــــــــــــــــــــــــــدف كبير وواضح
بعدها تنظـــــــــــــــــــــــــيم وتخطـــــــــيط
ننفز ونكون انشط ستات بيوت فى العالم
الرجوع الى أعلى الصفحة اذهب الى الأسفل
rawanyo
Admin
rawanyo


عدد المساهمات : 381

طريقه تنظيم اليوم لايمان Empty
مُساهمةموضوع: رد: طريقه تنظيم اليوم لايمان   طريقه تنظيم اليوم لايمان Icon_minitimeالأحد 6 يونيو - 16:19

مادو بجد تسلم ايدك
بجد بتفكرينا بحاجاتاكتر من رائعه
بجد المنتدي ان شاء الله هيكون مرجع
بجد اركز بس وعندي حاجات كتير عالجهاز انزلها هيبقي احسن
كلنا نقدر نتصفحها وبسهوله
بس انتي ما شاء الله ان عندك المشاركات باسماء اصحابها
الرجوع الى أعلى الصفحة اذهب الى الأسفل
أم جميلة

avatar


عدد المساهمات : 315

طريقه تنظيم اليوم لايمان Empty
مُساهمةموضوع: رد: طريقه تنظيم اليوم لايمان   طريقه تنظيم اليوم لايمان Icon_minitimeالخميس 16 سبتمبر - 12:22

حلو اوى الجدول ده
بس للاسف مهما عملت جداول مش باعرف امشى عليها
الرجوع الى أعلى الصفحة اذهب الى الأسفل
um susu
ملاك السرب
avatar


عدد المساهمات : 351

طريقه تنظيم اليوم لايمان Empty
مُساهمةموضوع: رد: طريقه تنظيم اليوم لايمان   طريقه تنظيم اليوم لايمان Icon_minitimeالأربعاء 22 سبتمبر - 9:34

تسلم ايدك يا مادو
نفسي ارجع لنظا م الجداول
الوقت يكون فيه بركة اكثر
وباحس بسعادة الإنجاز خاصة لما اعلم على الحاجة اللي انجزتها
ربنا يبارك فيك ويسعدك
ويطمنا على ايمان وتقوم بالسلامة يارب
الرجوع الى أعلى الصفحة اذهب الى الأسفل
 
طريقه تنظيم اليوم لايمان
الرجوع الى أعلى الصفحة 
صفحة 1 من اصل 1
 مواضيع مماثلة
-
» البط المشوى لايمان
» استعداد لرمضان فى كل شىء لايمان
» ملوخيه دمياطى لايمان
» كشف طلبات البيت لايمان
» طريقه عمل عجه البيض

صلاحيات هذا المنتدى:لاتستطيع الرد على المواضيع في هذا المنتدى
منتدى سرب الحمامات :: خبرات وتجارب السرب-
انتقل الى: