منتدى سرب الحمامات
مدونات سرب الحمامات
اهتمامات ستات البيوت
(للسيدات فقط)


منتدى سرب الحمامات

تجارب ستات البيوت الشاطرين
 
الرئيسيةسرب الحماممكتبة الصورس .و .جبحـثالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» مصنع السلام للملابس الجاهزة(تصنيع لحساب الغير)_تصنيع جميع انواع اليونيفورم
اليوم في 11:59 من طرف joka

» مصنع السلام لليونيفورم والملابس الجاهزة(تصنيع لحساب الغير)
الإثنين 5 ديسمبر - 15:51 من طرف joka

» مفروشات اكرم للفنادق(خامات عاليه الجوده و اسعار مناسبه)-شركة يونيفورم بالقاهرة
الإثنين 5 ديسمبر - 14:49 من طرف joka

» اكرم لليونيفورمuniformوالملابس الجاهزة بأسعار مناسبه-شركة يوينفورم بالقاهرة
الإثنين 5 ديسمبر - 13:34 من طرف joka

» احدث المفروشات لتجهيزات حجرات الفنادق والمستشفيات-مصنع يونيفورم بالقاهرة01200561116 -0233354889
الأحد 4 ديسمبر - 15:29 من طرف joka

» شركة اكرم لتصنيع اجدد موديلات لارواب التخرجGraduation_مصنع يونيفورم بالقاهرة
الأحد 4 ديسمبر - 14:32 من طرف joka

» uniformافضل شركة يونيفورم فى مصر لجميع انواع اليونيفورم(التصنيع بمصانعنا)01200561116
الأحد 4 ديسمبر - 13:01 من طرف joka

» اسرار و فنون التعامل مع الشرقي
الأحد 4 ديسمبر - 12:26 من طرف زهرة مصراتة

» مصنع يونيفورم بالقاهرة _اكرم لتصنيع وتوريد جميع انواعuniformاليونيفورم0233354889
السبت 3 ديسمبر - 16:59 من طرف joka

»  بيع وتأجير ارواب التخرجGraduationوالكابات للجامعات والمدارس-شركات يونيفورم بمصر
السبت 3 ديسمبر - 16:05 من طرف joka

» (شركات يونيفورم بمصرuniform)تصنيع وتوريد يونيفورم لجميع الدول العربية
السبت 3 ديسمبر - 14:06 من طرف joka

» تصنيع مفروشات حسب طلب العميل بخامات عاليه الجوده لحجرات الفنادق والمستشفيات_شركة يونيفورم بمصر
الخميس 1 ديسمبر - 16:45 من طرف joka

» رواب تخرج للجامعات والمدارس بأسعار منافسة01200561116Graduation(مصنع يونيفورم بالقاهرة)
الخميس 1 ديسمبر - 16:16 من طرف joka

» مصنع يونيفورم بالقاهرة _اكرم لتصنيع وتوريد جميع انواعuniformاليونيفورم0233354889
الخميس 1 ديسمبر - 14:08 من طرف joka

» شفاطات بلت ان – افران غاز بلت ان ( افضل سعر فى مصر )
الإثنين 28 نوفمبر - 16:45 من طرف genaemad22

»  شركة توريدات ملايات وبريات الفنادق والمستشفيات والمطاعم_مصنع يونيفورم بالقاهرة
الإثنين 28 نوفمبر - 15:53 من طرف joka

» ارواب تخرجGraduationو كابات واوشحه-أشكال وأالوان مختلفة(مصنع يونيفورم بالقاهرة)
الإثنين 28 نوفمبر - 15:47 من طرف joka

» uniformيونيفورم( أكرم )اكبر شركة فى مصر لجميع انواع اليونيفورم_مصنع يونيفورم بالقاهرة
الإثنين 28 نوفمبر - 15:14 من طرف joka

» تصنيع مفروشات حسب طلب العميل بخامات عاليه الجوده لحجرات الفنادق والمستشفيات_شركة يونيفورم بمصر
الأحد 27 نوفمبر - 16:14 من طرف joka

» uniformشركة تصنيع و توريد يونيفورم لجميع الجهات_شركه يونيفورم بمصر01003358542
الأحد 27 نوفمبر - 16:06 من طرف joka

Free counters!

شاطر | 
 

 اشكال ديكور بالجلاد الللاصق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Egypty
Admin


عدد المساهمات : 712

مُساهمةموضوع: اشكال ديكور بالجلاد الللاصق   السبت 31 ديسمبر - 20:27


ازيكم يا احلى فتوكات في الدنيا النهاردة انا نفذت لكم وعدي اللي وعدتهولكم بالشرح للي عملته في شقتي اللي كان في اللينك دة

http://forums.fatakat.com/thread2269145

عشان خاطر عيونكم وعيون الناس اللي بعتت لي ع الخاص وعايزاني اشرح انا عارفة اني اتأخرت عليكم وكان المفروض على حسب وعدي انه كان الإسبوع اللي فات بس معلش سامحوني
المهم نبتدي في موضوعنا وكفاية رغي
الأدوات اللي احنا محتاجينها هي عبارة عن
1- طبعا الجلاد اول حاجة في منه نوعين نوع صيني ونوع الماني دول اللي انا عارفاهم معرفش في حاجة تانية ولا لا



بالنسبة للفرق بينهم الألماني بيبقى اتقل واقوى ولزقه برضه حلو اما الصييني بيبقى خامته خفيفة وبيبقى الألوان لفاتحة منه شفافة شوية يعني لما تلزقي لونين فوق بعض بيبان اللي تحت بس عموما هو الأكثر وفرة في السوق وبيمشي الحال وانا بستخدمه علطول بس من ناحية السعر انا كنت بجيب الصيني بيبقى فيه مترين على بعض في رول واحد بيتباعوا ب6.25 تقريبا ودول زي ماقلت لكم بيتباعوا في كاميرا 9 وكمان لقيتهم في هايبر وان اللي في الشيخ زايد ونفس السعر لكن الألماني كنت بجيبه من محل في الزيتون في شارع سليم الأول بتاع ادوات البناءوكان برضه عنده رولات 2 متر على بعض ب8 جنيه وفي حاجات بتتباع بالمتر بيبقى رول كبير وبتشتري بالمتر وتقريبا المتر ب4 جنيه او خمسة حسب المكان اللي هتشتري منه واكيد كله موجود في العتبة لأن انا كنت شوفت زمان هناك محلات كتير بتبيعه بس مش فاكرة فين بالضبط
دة الجلاد الصيني بيبقى مكتوب عليه



ودة الجلاد الألماني



بيبقى مكتوب جواه made in Germany
2- في حالة لما كنت مش بلاقي الألوان اللي انا عايزاها كنت بجيب الورق المقوى الملون برضه من كاميرا 9 اول ما بتدخلي بتلاي رفوف عليها ورق ملون مفرود ومرصوص فوق بعضه هو مقاسات مختلفة بس مش عارفة اسمه ايه ومش فاكرة سعره ودي صورة جزء من فرخ اسود كان عندي هو اللي باقي

3

- قلم سي دي انا استخدمت لونين اسود واحمر مش عارفة عندهم الوان ايه تاني بس فاكرة ان كان عندهم ازرق

4

- غراء ابيض في حالة لو هتستخدمي الورق المقوى غير كدة مش هتحتاجيه وكمان في حالة الورق المقوى هتحتاجي جلاد من النوع الشفاف عشان تغطي بيه الرسمه عشان ماتتخدش اوتتقطع وبراحتك برضه لو مش عايزة تستخدميه

5

- غراء عادي اللي بيبقى صباع زي اللي في الصورة اللي مع الغراء الأبيض عشان مرة وقعت في جلاد صيني كان لزقه ضعيف اوي فدهنته بيه ونفع
6- طبعا ادوات الرسم قلم رصاص واستيكة وبرجل (والوان فلوماستر لو هتستخدمي الورق المقوى برضه) ومسطرة بس انا بستخدم مثلث اسمه مثلث ارسطو كان من ايام اعدادي هندسة بصراحة هو حلو وبيخلي الخطوط تطلع مظبوطة ومتعامدة مظبوط (على فكرة انا مادرستش حاجة من دي في هندسة دة مزاج من الآخر هي لو هندسة كان فيها كدة كانت تبقى فل بدل وجع القلب اللي كنا عايشين فيه بس عموما الرسم الهندسي كان احسن مادة اتعلمتها في هندسة وخلاني اتقن رسم الخطوط الهندسية والحاجات المتعامدة والمتوازية بس من الآخر دي حاجة بتبقى في الواحد لما يحبها بيتقنها )
******************************************

خلصنا الأدوات كدة وبسم الله نبدأ الشرح
اول حاجة هنشرح الحاجات الصغيرة اللي مافيهاش تفاصيل كتير زي الورود والقلوب في البداية احب اقول اي شكل هترسميه بكمية كبيرة لازم احسن حاجة ترسمي على اي كرتونة قديمة او اي ورقه مقواه عشان بعد كدة هتقصيها وتعمليها هي الباترون اللي بترسمي بيه عشان تبقى الأشكال كلها واحدة ويبقى الرسم المتقن مرة واحدة بس وبعد كدة كله بالباترون

هنبدأ الأول بالوردة الأولى زي اللي على الحيطة في غرفتي
هنرسم دايرتين بالبرجل بالشكل دة



وبعد كدة نحط سن البرجل على الدائر الخارجية ونفتح فتحة معقولة بالشكل دة



احنا عايزين وردة بخمس ورقات بس فهنرسم خمس اقواس
نرسم قوس بدايته عند حدود الدايرة اللي برة ونهايته برضه على حدود الدايرة برضه بالشكل دة



وبعد كدة نقف بنفس فتحة البرجل على حتة تانية من الدايرة اللي بره بحيث يكون سن القلم على اطرف نهاية القوس اللي رسمناه بالشكل دة



ونكرر العملية لحد ماتخلص الوردة بالشكل دة



عايزة اقول لكم بس ان ممكن القوس الأخير مايطلعش ملامس للقوس الأولاني خالص وتبقى في مسافة بينهم او يطلع داخل جواه ابقي شوفي المسافة دي تقريبا قد ايه وكبري فتحة البرجل او صغريها شوية حسب المسافة اللي انتي شايفاها قدامك وعيدي رسم الأقواس تاني ودايما انتي بترسمي حاولي الخطوط تبقى خفيفة عشان لما تمسحي مايبقاش باين الخطوط اللي اتمسحت
ودة شكلها بعد ماخلصناها وقصيناها وانتهينا كدة من الوردة الأولى



عايزة اقول لكم ممكن اي حد يرسم اي وردة بطريقة اسهل بس انا حبيت ارسمها كدة عشان تبقى متقنة ومتماثلة
الوردة التانية برضه اللي كنت عاملاها في اوضتي هنبتديها بنفس الطريقة دايرتين جوا بعض بس المرة دي هنرسم ست اقواس وكمان مش عايزين الأقواس تبقى لازقة في بعض زي الوردة الأولى بالشكل دة



وبعد مانخلص نوصل الأقواس بالدايرة الصغيرة بالشكل دة



وكدة بعد ماعملناهم كلهم
ونقصها عشان تبقى بالشكل دة



وكدة خلصنا الوردتين ناخدهم بقى ونستعملهم ونحطها على الجلاد زي كدة ونرسم حواليها وترسمي العدد اللي انتي عايزاه بس عايزة اقولك حاجة انك لازم تستغلي كل حتة في الجلاد عشان مايضعش منك حتت كتير منه يعني لما ترسمي وردتين او تلاتة ارسميهم جنب بعض اوي عشان تستغلي كل حته منه ويكفي تعملي بيه حاجات كتير والحتت اللي تتبقى من القص خصوصا الحتت الكبيرة شوية ماترميهاش لأنك ممكن تعملي بيها حاجات صغيرة انتي عايزاها زي مثلا الدايرة بتاعة الوردة اللي في النص كدة



بعد ماقصيناها رسمنا دايرة على الجلاد الأحمر قد الدايرة الصغيرة اللي كنا رسمناها على الكرتون وقصيناها ولزقناها على الوردة

_________________



هذا من فضل ربي
الرجوع الى أعلى الصفحة اذهب الى الأسفل
Egypty
Admin


عدد المساهمات : 712

مُساهمةموضوع: رد: اشكال ديكور بالجلاد الللاصق   السبت 31 ديسمبر - 20:28

رد: اتفضلوا عشان بحبكم الشرح الكامل للي عملته في شقتي بالجلاد اللاصق...
نيجي للقلب بقى القلب سهل انك تعمليه في كذا طريقة ممكن ترسمي بيها القلب اسهل حاجة عشان يطلع متماثل انك ترسمي النص الأول بتاع القلب على ورقة بيضا او ورق شفاف احسن زي كدة



وبعد كدة تطبقي الورقة نصين بحيث ان تطبيقة الورقة تبقى بالضبط على حرف الرسمة وتمشي بالقلم على ضهر الورقة على النص اللي انتي كنتي رسمتيه بس تقلي ايدك شوية على القلم عشان يطبع الخط تحتها



ولما تفتحي الورقة هتلاقي النص التاني مرسوم خفيف عيدي عليه بالقلم وهيطلع القلب بالشكل دة



وبعد كدة تاخدي القلب اللي في الورقة وممكن ترسميه بباترون على كرتونة ولو مش عندك باترون اقلبي الورقة على وشها وتحطيها على الكرتونة اللي هتستخدميها باترون وتمشي بالقلم برضه على القلب من ورا وبرضه تتقلي ايدك على القلم وهتلرفعي الورقة تلاقي القلب مرسوم تقلي عليه بالقلم وبعدين قصيه واكيد في بنات ممكن يكون عندهم طرق تانية وسهلة في طريقة برضه سهلة وبتطلعه متقن اوي هتجيبي الكرتونة اللي هتعمليها بترون وترسمي عليها خط خفيف بالمسطرة وتقفي بالبرجل على نقطة منه بالشكل دة وترسمي قوس حسب حجم القلب اللي انتي عايزاه



وبعد كدة عند هتقفي بالبرجل تاني على نقطة من الخط المستقيم بحيث راس القلم تبقى على على اخر نقطه في القوس الأول بالشكل دة



وترسمي قوس تاني وبعد كدة نقطة التقاء القوسين ترسمي منها خط عموي على الخط الأولوتوصلي بالمسطرة خط من القوس الأول للخط العمودي ومن القوس التاني للخط العمودي بحيث يلتقوا مع بعض زي الصورة دي

وكدة خلصنا القلب تقصيه طبعا وترسمي حواليه على الجلاد العدد اللي انتي عايزاه من القلوب وبعد كدة تقصيهانيجي بقى للجذوع بتاعة الشجر اللي كنت عاملاها في الأنتريه دي طبعا انا بجيب المترين كلهم وافردهم على الأرض وارسم عليه وببدأ زي الرسمة رقم واحد ببدأ من الطرف خالص عشان زي ماقلت لكم استغل كل حته منه طبعا الجذوع ببتفرع من فوق فبتاخد مساحة من الجلاد عشان كدة لما اجي ارسم الجذع رقم 2 اقوم رسماه بالعكس يعني البداية من عند فروع الأول وبعدين يتفرع عند بداية جذع الأول وفي النص رسمت الجذوع الصغيرة

وعايزاكم تاخدو بالكم من حاجة لما ترسموا على ضهر الجلاد الرسمة هتبقى عكس اتجاها اللي انتي عايزاه يعني لو انتي عايزة اتجاه الفروع لما تلزقيه على الحيطة باتجاه اليمين يبقى ترسميه باتجاه الشمال عشان لما تلزقي تطلع مضبوطة

دة بالنسبة للشجر بالنسبة بقى للسمك اللي كنت راسماه هشرح لكم على نموذجين وانتوا تنفذوا على الباقي

زي مابقولكم انا بدور علىصور على النت مثلا الكابوريا دي نزلتاها وبعدين رسمتها ازاااي بقى ؟؟



اول حاجة هجيب الجلاد وهرسم على ضهره زي مانتوا شايفين هي مرسومه عينها مدورة فبستخدم البرجل علطول وارسم العينين وبعدين ارسم النص اليمين



وبجيب الشفاف واشف النص الأول وبعدين اقلبه على وشه وامشي على ضهر الرسمه عشان ارسم النص التاني خديها قاعدة اي رسمه فيها تماثل في الشكل هتستخدمي الشفاف علطول






دة شكلها بعد ما اترسمت وتقلت عليها بالقلم الرصاص



بعد كدة هقصها بالشكل دة


اجيب الجلاد الأبيض وارسم نفس الدايرتين اللي كنت رسمتهم للعين واقصهم والزقهم عليها




وارسم دايرتين صغيرين بأي لون تحبيه وتحطيهم بحيث يبقوا النيني بتاع عينها (ايه رأيكم في النيني دي؟؟!)



وممكن بدل ماترسمي وتقصي لو عايزاها لونها اسود لونيها بقلم السي دي عشان ماتتمسحش بعد كدة هنرسم بقها زي اللي في الرسمة الأساسية طبعا بنستخدم قلم السي دي ونشف سنانها البيضاء ونطبعها على الجلاد الأبيض بس زي ماقولنا نخلي بالنا من الاتجاه عشان انتي بترسمي على ضهر الجلاد مش على وشه انا بستخدم ورق عشان معنديش شفاف دلوقتي



المهم هنقصه ونلزقه لما نلزقه ممكن يطلع مش مظبوط اوي نحدد حواليه بالأسود تاني عشان مايبانش ويبقى الشكل مظبوط وبعد كدة نحدد الشكل كله ودة شكلها النهائي



طبعا الشغل بالجلاد اسهل من الورق المقوى وبيخلص بسرعة

يتبع



_________________



هذا من فضل ربي
الرجوع الى أعلى الصفحة اذهب الى الأسفل
Egypty
Admin


عدد المساهمات : 712

مُساهمةموضوع: رد: اشكال ديكور بالجلاد الللاصق   السبت 31 ديسمبر - 20:29

نيجي بقى لو عايزة ترسمي على الورق المقوى نعمل ايه ؟؟؟؟؟


هناخد الشكل دة مثلا ونرسم النجمة دي زي ماحنا شايفين




لو العين مش مدورة زي في حالة النجمة هنرسم عين واحدة وبعد كدة نشفها برضه ونطبعها على العين التانية



الميزة في الورق المقوى انك تقدري تلوني الشكل اللي انتي عايزاه باستخدام الألوان الفلوماستر او الخشب اللي انتي عايزاه هنا زينا النجمة بالألوان الفلوماستر



طبعا بعد كدة هنجيب الجلاد الشفاف ونقطع منه حته تكفي الشكل اللي عندنا احسن حاجة تغطي الشكل بالجلاد قبل ما تقصيه عشان لو قصيتيه وجيتي تحطي الجلاد هيبقى رخم وهتضطري تقصي مرتين مرة الشكل الأول ومرة الزوايد بتاعة الجلاد الشفاف دة بعد مالصقناه



لو كانت النجمة مش بيضاء هتعملوا عينها من الجلاد الأبيض لكن بما ان الورق اللي عنديكان ابيض فكل اللي هعمله اني احدد عينها بالقلم والونها بالأسود وبعدين رسمت بقها وحددتها كلها بس بالأحمر



بعد كدة بجيب الغراء الأبيض واجيب فرشه وادهنها من الخلف والزقها على الحيطة بس انا مش بدهن كتير انا بحط نقط بالفرشة جنب بعض على الأطراف وفي النص بحيث تلزق وكدة خلصنا الدرس بس زي مابقول لكم ميزة الورق المقوى انك تقدري تلوني الشكل يعني ممكن من رسمة واحدة تعملي بيها كذا شكل زي كدة




وكمان بتستخدميه باترون علطول بدل ماتقعدي ترسمي حاجة لوحدها في كرتونة طبعا احنا بنرسم الباترون على كارتون عشان تعرفي ترسمي عليه لكن لو رسمتي في ورقة مش هتساعدك انك ترسمي حواليها وكدة توتة توتة خلصت الحدوتة حلوة ولا ملتوتة ماتنسوش التقييييم عشان يتثبت وكل البنات يستفيدوايارب يكون الموضوع عجبكم عشان انا تعبت فيه كتييييييييييييييييييييير اوي




منقووووووووووووووووووووول

_________________



هذا من فضل ربي
الرجوع الى أعلى الصفحة اذهب الى الأسفل
 
اشكال ديكور بالجلاد الللاصق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى سرب الحمامات :: اهتمامات سرب الحمامات :: ديكورات-
انتقل الى: